[مشعل التريباني]

يابوفرح ماني مقل المعاريف - -- صعبت علينا نفوسنا يوم طحنا

ان كان مالجًت بشوفك غطاريف --- وش فايدة ياصاحبي كان رحنا

كفيت رجلي خوفةٍ قول ياحيف --- اوخوف كلمة لطلعت ماسمحنا

يرٌمى بها تقصير حز المواقيف --- ما ينقبل به عذرنا لو شرحنا

يابوفرح سل الزمن شذرة السيف --- يطوي ليالي عمرنا مسترحنا

صرنا نقًيسها على الكم والكيف --- لين اشتفى فينا الزمان وجرحنا

وقتٍ تشيخ به كبير الطواطيف --- وحنَا خسرنا اعمارنا ولاربحنا

ماني بزينٍ يازبون المضاييف --- لو زانة الهرجة دقايق وسحنا

نضحك نسر ربعونا بالسواليف --- والجرح يدمي لوضحكنا ومزحنا

وقتٍ طبوعه مبحلات التكاليف --- واقف لنا كل مامشينا نطحنا

عينت شيءٍ يذكرونه ولاشيف --- لوهو تجيبه صيحةٍ كان صحنا

المال يرقى به مِزم المشاريف --- ذاك العديم اللي بهجره ذبحنا
بعيد المدى
انته رائع
انته مبدع
انته حكيم
لافظ فوك ايها الشاعر الراقي تحياتي لك ولما جادت به قريحتك