الا يا راكب الكدلك=ترفق بي دخيل اهلك
ترى قلبي بدى يهلك=طوال الليل سهراني
جرحت القلب من نظره=متى تعفيه من اسره
وعيني هلت العبره=وكلاً قام عزاني
يعزوني ولا يدرون=بأني فيك انا مجنون
دخيل الخد يا مزيون=بهجرك لا تحداني
الا يا زين خاف الله=ذبحت بالزين خلق الله
وانا كم قلت لجل الله=ترحم دمع الاعياني
على شانك على شانك=تعرفنا على اخوانك
مع عمك وجيرانك=وقاصيهم مع الداني
قرب مني ومازحني=ومد اليد صافحني
وقال الحب ذابحني=علاجي صعب يا فلاني
وقلت ابشر ولا تزعل=صعيبات العقد تنحل
انا طالبك تتمهل=دواك ما اظن يخفاني
يقول بجلس معك يومين=ولكن لي بعد شرطين
وقلت ابشر يا حرف العين=فداك عمر ابن ......