ما عاد لدنيا ملذات و افراح = ولا عاد به شيٍ من الود بالقاه
دامت حياتي في غرابيل و جراح = والقلب مما فيه يكفيه ما جاه
يا قلب قلي كيف انا بس بارتاح = و الوقت عيا يبتسم لي محياه
اصّور احلامي على نور الاصباح = و تشرق عليه الشمس و تزيد شكواه
و تصير مثل الطير مكسورٍ جناح = لا شايل نفسه ولا الشوق وداه
ما شفت بايامي مكاسيب و ارباح = ولا طاب خاطرنا من اللي هويناه
ما عاد باقي بالعمر كثر ما راح = تعبت من صبري وانا مقدر اقواه
تمشي بي اوهامي على ذيك الالواح = في بحر هوجاس العنا و المعاناه
تاهت تعابير القلم و الحبر ساح = و اشوف حالي طارف الليل يمحاه
مدري متى عن حالي الهم ينزاح = الله يساعدني على الوقت مقساه
