السادة اعضاء منتدى الفطاحلة
يسرني مشاركتكم بهذه القصيدة والتي قلتها على لسان احد الاطفال الايتام عندما سأله احد الشيوخ عن حالته فرد اليتيم انا انسان مجهول الهوية وليس لي اسرة وجدوني في كرتون مرمي في القمامه والحمدلله اني مسلم وفي بلد اسلامي .
وقد اختصرت جوابه في هذه الابيات ارجو ان تحوز على رضاكم
ياهيه ياللي ودكم تسألوني=عن حالة الايتام بكل اهتماما
خذو الحقيقة وانصتوا واسمعوني=من غير ما يكثر علي الملاما
انا اليتيم اللي هلي يتموني=طفلا يتيم من اطفال يتاما
امي وابويه للضياع اتركوني=مرمي على الشارع بكومة قماما
تخلصوا مني بعد ما انجبوني=يوم ادركوا كبر الخطا والاثاما
اغواهم الشيطان يوم التقوني =واللي حصل شهوة بلحظة غراما
خافوا الفضيحة ما اتقو وارحموني=ماتت مشاعرهم وسارت عداما
من غير ذنبا كل شيء احرموني=ابوي ما اعرفه ولا شفت ماما
مالي نسب لو حاولو ينسبوني=لا صرت مجهول الابو والعماما
باي الاسامي بالسجل اكتبوني=حطوا لي اسم ينكتب والسلاما
واقول للي بالحياة املوني=درب الامل مجهول ماله علاما
لا عاد مالي اسرة يحتموني=اعتز فيهم وافتخر واتحاما
كيف الحياة لتايه خبروني=صار الامل معدوم عنده تماما
بايا وسيلة ودكم تقنعوني=لولا الامل في الله رب الاناما
يكفيني اني مسلما واعذروني=الحمدلله يوم ديني اسلاما
هذي حقيقة حالتي صدقوني=والخافي اكبر من جميع الكلاما
هذا وانا محظوظ يوم انقذوني=اهل القلوب الطيبة والكراما
برعاية الايتام يوم احتووني=ردو لي التقدير والاحتراما
وغيري كثير اطفالهم يقتلوني =قتل النفوس اللي بريه حراما
وياكم مثلي من اطفال اختفوني=ياكم ضاع اطفال ياما وياما
يكفي على التلفاز ما تشاهدوني=مناظرا تفطر قلوب الفطاما
والله مالوم البشر لو بكوني =ولا لوم دمع العين لونه تهاما
وصلاة ربي عد ما كبروني = مني على الهادي صلاة وسلاما