مقطع من قصيده صخريه كتبتها قبل مده واليكم مايحضرني منها الان والقصيده اطول من ذلك بكثير
ولكم قبلها وبعدها التحيه والتقدير:
هلا بالشعر واسبابه هلابه = لو ان الشعر والشعّار غابه
تلاسن به رجالا مع نساها = انا الاول ولا ليه مشابه
وكلن قام به يضرّس ويزبد = على الثاني وكلن حد نابه
وراع العرف ينظر ويتفرج = ويكضم غيضه ولاله مجابه
يشوف العوج مار يصد عنها = يخاف ايصير معهم بالحرابه
ويطوله هرج ناقص ماحسب له = ولايحسب من رجال المهابه
اللي منه تكلم قلت عنتر = يسل السيف والسانه انصابه
وهو ماقدمه الا لابتوبه = يمد السانه ولااحدٍ درابه
ويكتب باسم مايعرف ولاله = مع اهل العرف مايقرن اثيابه
يبا يجرح شعور اهل المعرفه = سليط السان مايازن ذبابه
لئيمٍ ماحسب لأهل المروه = هل الوقفات ماهم من حسابه
لانه عايشٍ عيشة مذّله = بخيلٍ مافتح في يوم بابه
ولاله قدر عند اللي يعرفه = لوانه مايعرفه غير كابه
على شانه وشان اللي سواته= توخو للحذر ياهل الكتابه
هل الوقفات واهل العرف قصدي = ترى من جادل الضايع غدابه
ومن جارى سفيه العقل ينقص = ولايجهل بهذا كل نابه !!