ياصحاري نجد بك حسن وبهاء=في تضاريسك جمال ماروعه
صورتن ربي خلقها بالزهاء=زاهيه يام الخصال الاربعه
جل منهو صورك يالأبهاء=ياجمال الكون كله وابدعه
يالهنوف ام الجبال الشهّقاء=والنفود ام الطعوس المجضعه
ياصحاري نجد منك المجد جاء=ومنك تاريخ العروبه بانوعه
انتي في شبه الجزيره بك دهاء=وبك شموخن للنجوم الملمعه
انتي يام المحبه والرخاء=فيك لغزن يعجز اللي يرمعه
ياسنام العز يامجد وعطاء=ياشموخ الحكم كله وسنعه
هيه ياصحرا الجزيره يالنقاء=بك سواليف وحكايا موجعه
وهيه ياصحرا كتب فيه البقاء=انتي اجمل كل قصه نسمعه
الجبال الشم سلمى معه اجاء=شامخاتن والمهابه منبعه
وفي جبال طويق عزن يرتقاء=شاهقن تنبيك عنه المجمعه
وفي ظلال اسياد حكام وتقاء=حاكمين بعدل ماهي معمعه
ياصحاري نجد فيك الملتقاء=هيه ياخدود الجزيره وادمعه
فيك حاتم طي زيزوم الصخاء=وفيك عنتر فارسن يامشجعه
انتي يادار الجدود اهل الوفاء=والله انك بالحنايا مربعه
انتي ياصحرا المحبه والغلاء=من لفى لك بالعداوه نمنعه
من لفى بالشر يرجع بالشقاء=من اسود بالحرايب تردعه