14-12-2011, 05:15 AM
|
رقم المشاركة : 7
|
|
|
|
|
|
رد: حزر فزر
اقتباس:
المشاركة الأصلية كتبت بواسطة حسن سيد
حزر فزر = قول حادي بادي
دول سلاطين = ولا زبادي
دول حكام = ولصوص يا سلام
قتلوا ولادك = نهبوا ولادي
حزر فزر = قول حادي بادي
دول سلاطين = ولا زبادي
دول حكام = الزمن الصعب
دول دقوا = على الرأس بالكعب
هما السادة = واحنا الشعب
هما النخبة = واحنا اعادي
حزر فزر = قول حادي بادي
دول سلاطين = ولا زبادي
مستر صعلوك = بيحزر
ويقول على الخونة = ولادي
وبيشخط = مش بيهزر
ويقول على الشعب = اعادي
في اجندات = خارجية
وفلوس = تحت الطبلية
دول اعداء = الوطنية
اقتلهم = م السعادي
حزر فزر = قول حادي بادي
دول سلاطين = ولا زبادي
وانت يامستر = صعلوك
يا ماشي حافي = ع الشوك
ممكن اسأل سيادتك = وحياة اللي جابوك
قصورك وعماراتك = اصولك مستنداتك
سفنك طياراتك = ملياراتك
وارثها عن امك = ولا ابوك
سؤال بسيط = جدا عادي
حزر فزر = قول حادي بادي
دول سلاطين = ولا زبادي
|
اخى الفاضل الكريم/ حسن سيد
اوعى تحزر واوعى تفكر
اصل النوته ماهيش بتحير
كنا زمان من غير الحان
كنا عبيده وكان سجان
كنا الجهله وكان قبطان
واوعوا تقولوا عليا جبان
كنت انا بقرا فى الفنجان
شفت الانس وشفت الجان
لما ركبنى عملنى حمار
قالى انا شى قلت اماشيه
يمكن يومها ابقى حصان
لكن بخله كان مجان
خدنى حبسنى ورا القضبان
اصلى حمار ومانيش انسان
اوعى تحزر فى الفوازير
اصل القله ابوها الزير
والحدوته كلامها كتير
هوه ده درس فى التعبير
ولا كلنا كنا حمير 0000000
واوعى تنفخ يوم فى نفير
لاجل ما تثبت انك زير
لو حتغير يبقى يا اهلا بالتغيير
مش حنركب حدوه جديده
ولاح نوافق نبقى حمير
لكن واجب نحيا بخير
نزرع فينا حلا ضمير
ومش ح نحذر ولاح نفكر
بس حنفضل فى التحرير
اخى الجميل حسن
انت كمان وحشتنى قوى
واعتزر ليك على المداخله
شكرا لك اخى ودمت محبا لمصر
|
|
|
|