مرحبا بالجميع
صحت ابدانكم
ياطويل العمر ماني بدوّر للخصام = وانت قافك ياطويل العمر قاف ن مليح
استلجّ البحر والرد اجيبه بالتزام = مايروغ الطرق مني ولو حبري يسيح
شرق والاّ غرب والاّ بحرب ن او سلام = او بهرج ن زين والاّ على هرج ن كليح
نعرف الميزان ونجود به لو طال عام = ماكسرنا له يدينه ولا خلخله ريح
وانت اشوفك يالمحامي مغربل في الزحام = صرت بين الحق والظلم تايه يافليح
ركّب الدربيل واركد قبْل وقع الهدام = واحكم بعقل الضماير وخلّ الّي يصيح
لا ضربني جاك يبكي ويشكي باتهام = انطبق قول المثل وانت ترزح له رزيح
كان له حق ن بنعطيه من دون انتقام = وكان لي حق ن بجيبه ولو تحت اللحيح