[عناد الرواد]

همومـي تسابقنـي علـى فـرّة المسـبـاحألـــوّح خـرزهــا والشـراشـيـب وانتـلـهـا

أنا كل ما ضاقت واشوف الدموع ارمـاحآجـامـل وإدق الـصـدر وآقـــول إزهـلـهـا

أذا قشـة الغرقـان آخـر أمــل يــا صــاحتـعـلّـق بـهــا والــــروح لـلـغــد أمـلّـهــا

على طاري اللي ما لقـى عيـب فالتفّـاحيقول احمر الخديـن وهـو جالـس ابظلهـا

انا اللي عبرته وانت طامي علـى الالـواحيبيـلـك سنـيـن اطــوال حـتـى توصـلّـهـا

وانا واحد إمن الناس سافـر كثيـر وسـاحوشـايـف وعـايـف والـشـوارب مفتـلّـهـا

وعلى قولهم لا قلت , زيد المـلاح امـلاحمدامـك ضربـت اوجـع والاوتــار غازلـهـا

وجيب البيوت اللي عليهن وسم و اوشاحوخـامــر فنـاجـيـل الـمـحـابـر ونـآدلـهــا

تنحنـحـت يــا كـانـون ومعـزبـك مـرتـاحتــروّضْ بـنـات الفـكـر ولـــىّ تزرفـلـهـا

مناديـل وجـه الليـل يـا دمـعـي الفـضّـاحتقّـطـر سهـرهـا فــي عيـونـي واكحلّـهـا

تشتت , شحوب افكار , دنيا بدون افـراحظمـا فالعـروق الصايمـه ويــن ؟ ابلّلـهـا

اقيـس الامانـي بعـد مـا قــررت تجـتـاحوازيـد الهـمـم لحـمـول ازريــت لحملـهـا

أنـا مثْـل كفـخ الطيـر يربـا وهــو شـبّـاحالـى شـاف لـه عيطـا كفـخ ليـن يدهلهـا

ولكـن بعـد عاميـن قلبـي كسيـر إجـنـاحتـمـوت الامـانـي فــي عيـونـي ويقتـلـهـا

حبيـب ٍ علـى وضـح النقـا والنقـا مفتـاحقـلـوب الحبـايـب والسفيـنـه ومحمـلـهـا

حبيـب ٍ علـى ثيابـه نثـر عـطـره الـفـوّاحيضـفّ العبـاه وضـامـر الخـصـر ينسلـهـا

رموشـه سيـوف ٍ صُقّلـت والهـدب ذبـاحتسلـهـم عيـونـه بتـلـة الـعـيـن ويسـلـهـا

مشاعر بعد عامين هـي والجـراح اجـراحلتـس الله يقبـور المحانـي وانــا ادملـهـا

يقولـون لا تزْمـل مــدام الـزمـل مــوّاحوسـوق المطـيـه قـبـل ليضـيـع مزملـهـا

حكيم العرب وصّى وهو حاضـر ٍ مـا راحالــى شـانـت العـربـان يـعـنـاد جامـلـهـا

وسقها بوجه الله عسـى خاطـرك يرتـاحالـى صِفيـت النـيـه , توكـلـت , فعقلـهـا

ولا يستثيرك حـزن مـن دمعـة التمسـاحتـحـب الذيـابـه كــل فـــارس يهرفـلـهـا

تجمّل عـن قلـوب ٍ حسدهـا بسبـع ارواحولـو تنغسـل فــي زمــزم ٍ مــا يغسلـهـا

تأمل وجيه الناس واسـري مـع المـرواحولا تعـقـد حبـالـك عـلـى شــي و تحلـهـا

يطيح الوجه وان طاح يا عزتـاه ان طـاحتطـيـح أبمحـلـك يــوم نفـسـك تفشـلـهـا

تعيش الفقر والجوع بس خاطرك منساحو لا لـقـمـة ٍ بـالـهـون والـــذل تـاكـلـهـا

انـا ويـن ابهنـا دام نـص القلـوب اشحـاحمـحـبــه اذا مـتـعــز راســــي لبـطـلـهـا

وجيه الدما , خلف الكواليس , والاشبـاحتركـت الهـوى لهـلـه ولا النـفـس اذللّـهـا

مسيرة حزن ترجع على فـرت المسبـاحوقـصـة غــرام ٍ فــات مـانـي مطـولـهـا