اقتباس:
المشاركة الأصلية كتبت بواسطة عبدالرحمن بن زهير
السلام عليكم ورحمة الله وبركاته
ارسل لي احد الزملاء بابيات وهو متذوق وليس بشاعر واحيانا بعض القصائد تجبر الشاعر على الرد فجاريتها بشي بسيط اتمنى ان اكون قد وفقت فيه:
الشاعر غير معروف ولكن هنالك شك بان يكون"سالم العرم"
ابيات الشاعر:
الله وأكبر يوم عديت الاصحاب
--------ياكثرهم من يدعون الصداقــه
سبعين فالميه مخادع وكذاب
--------رفقة مصالح للمصالح رفاقــه
وعشرين فالميه منافق ونصاب
--------حتى لو بهرجه تبين اللباقـــه
وعشره من الميه وياقل الاصحاب
--------الي صداقتهــم بـمـعنى الصداقــه
وانته من العشره ومن ضمن الاحباب
--------لاغبت قلبي لــك يزيد اشتيــاقــه
خذها عهد مني ماهو قول وأكذاب
--------ماأنسى رفيقا" يعتني بالرفاقـــه
رد عبدالرحمن بن زهير
يامرحبا باللي عن البال ماغاب
--------لوكان عني مبعد"ن" سج ساقه
له منزل "ن" بين المحاني والاهداب
--------وتشفق على طرياه روحي شفاقه
هو مسندي عند المعارف والاغراب
--------عز الرفيق اللي يصون العلاقه
والمرجله لو هي بالاسماء والالقاب
--------كان ارفعت ناس"ن" على غير طاقه
مثل البويت اللي فقد بعض الاطناب
--------من وين ماهب الهوا غصب ساقه
واللي يشوح ويعتلي كل مرقاب
--------ما يلتفت لاهل الحسد والحماقه
وانت الله اللي ميزك بين الاصحاب
--------وافي وطيبك من يوصل نطاقه..؟
من يطلب العليا بذل جهد واسباب
--------وانت المراجل تعشق اسمك عشاقه
ياجعل يفدونك مهينين الاشناب
--------اللي ماغير متعبه بالحلاقه |
صح لسانك انت والشاعر المذكور
صدى طيب لصوت طيب
لا هنت