[هاوي نجد]

شعاني الغرام اللي جذب قلبي المجروح = وهيض على قلب المعنا طواريّه
غرام صطا فقصا الضماير وغذا الروح = محبة طبع ماهي محبة غزلجيه
يتوق الضمير اللي من الضيق جاه النوح = كما نوح ورقىً تزعج الصوت عصريّه
الا ياسحاب مقبلً والبروق تلوح = تعل الديار الممحله والسناويه
وتسقي علاويها بسيل حدر من صوح = بسيلً حقوق يصطفق في محانيّه
وينبت على اثره كل عشبً يجي له فوح = وتلقى هل الذيدان تارد خباريّه
تلقى الزهر كاسيه ونبته سوات الدوح = كما لوحةً مرسومةً عند فنيّه
اليا شافها المبدع يبي رسمها ف اللوح = يخونه خياله والقلم والمعرفيّه
اليا شفتها والصدر ضايق وفيه اللدوح = تزيل الهموم وترتفع كل نفسيَّه
ترا سجةَ ف البر تشفي عليل البوح = وهي والله انها غاية القلب ومنيّه
ويازين مرباعً غشاه الحلال سروح = وخوة نشاماً كلبوهم شقرديّه
وهذا هواي وكل شاعر ترا مسموح = يعبر عن شعوره بفكره خصوصيّه