انا لو قمت اغني قالو الناس=هذا مجنون والا له هدف شين
انا ماموتي الا عذب الانفاس= سبى قلبي وانا اداري من البين
بديع الوصف كله شوق واحساس=كحيل العين راعي المذهب الزين
ارق من النسيم بلون الالماس=ولون الورد زيّن لون خدين
من الوجنات نور اودى بالاحساس=ومن حبه لفن كل البراهين
سقاني بالهوى لين امتلى الكاس=ملك فكري زمان اول وهالحين
يغار الغيد من حسنه ليا انقاس= يضيعنّ الحضارى والبداوين
انا ماشفت مثله باهل تكساس=ولاضني عربنا تقضي الدين
جمال الاصفهاني واهل مكناس=يبور اليا رمش لي يوم بالعين
الا لاباس ياقلبي ولاباس = تجرعت الهوى ياقلب شاهين