بسم الله الرحمن الرحيم
السلام عليكم ورحمة الله وبركاته
الحمد لله نحمده ، ونستعينه ، ونستغفره ، ونستهديه ،
ونعوذ بالله من شرور أنفسنا ، ومن سيئات أعمالنا،
إنه من يهده الله فلا مضل له، ومن يضلل فلن تجد له وليّاً مرشدا
أما بعد :
فرحاً بهذه المناسبه العزيزه على قلوبنا جميعاً ،
ألا وهي وصول عدد المشاركات إلى عدد يفوق المليون
لا يسعنا إلا أن نحمد المولى ونشكره لما أتم به من نعمةٍ علينا ،
( مبــروووك للفــطاحل ومن رقي إلى رقي إن شاء الله )
كما نشكر كل من ساهم في إكمال القصيده بالشكل المطلوب
شكر مرفوع بإسم إدارة قصر الفطاحله وأعضائه لكل من :
أبو أنس ، سعد الحسن
نجم الإبداع ، فلاح بن منشار
محمد بن عمار
داعي الشوق ، سعود العتيبي
الطامي ، منصور المري
عبير الورد
سعد السحيمي
عبدالرحمن الغيثي
أحمد القاسم
عبدالله الوقيدي
الطائر المهاجر
إحتفالاً بهذه المناسبه قام الشعراء بالتعبير عن فرحتهم بطريقتهم الخاصه أترككم معها .
ملْيون مبْروكٍ لكـلّ الفطـاحـل=روّاد قافٍ مثـل شهـد المناحـل
أهل العـزوم اللـي سـوات الرواحـل=ملـيـار مـبـروكٍ عساهم يـسـدون
يا منتدانا اليوم عيدك و مبرووك=كلّ الجماعه بالقوافـي يحيّـوك
الله يعز اللي على العـز رقّـوك=يالله عساهم في فرَحْهم يزيـدون
إرقى سنودٍ يالفطاحـل وفاخـر=بأنّـك زعيم ٍ ما تروم المساخـر
رويان بأسمك للضما منت ذاخر=رويان مادام السّما برْق وامْزون
يانايـفٍ عـن كلّ نايـف ونايـف=يابحر شعرٍ للجزيـلات لايـف
فيك اجْتمعْ شعْر وْ رجال ٍ ولايف=معذور لو فيك العـذارا يغنّـون
ياصرح للإبـداع والنـاس حبّـوك=من جودة المطروح في قاف مسبوك
على المبادي الطيبه عقـد محبـوك=صفحات بيضاء والخلايق يشوفـون
قصْر الفطَاحـلْ سيْـد كـلّ السّواحـل=دايـــمْ ربـيــعٍ مـــا تـجـيـه المـمـاحـل
خمسـةْ سنيـنٍ إسْتـوتْ فــي مـرَاحـل=واليـوم طَايـبْ عـدّهـا فــوق ملْـيـون
قصْـر الفطَـاحـل كـوكـبٍ دوم عـالـي=فيـه الجـزايـل فــوق روس الجبـالـي
قـمّـة ولا فـيـهـا نـقــاش وجـدالــي=نبراس لأهْـل الشّعـر واللـي يغنّـون
لـو مــرّ مـنْـه النابـغـه والمهلـهـل=والّا الحطيئه والمرقّـش والاخطـل
والا المسـمّـى بـابـن كلـثـوم الاوّل=حلّـوا بميْدانـه عـنَـهْ مــا يـشـدون
يعنـي هنـا مورد منـابـع ثقـافـات=يعنـي هنـا اخْـلاق ولباقـه وقـالات
ولو فيه ولّاده قرت بعض الابيـات=شرط انّها تنسى قصيد ابن زيدون
شموخـهـم مـرفـوع فــوق العـلالـي=محدٍ يجاري له من أوّل وتالـي
نخْـبـه تمـيّـز بـيـن شـمْــس وظـلالــي=في قلْب واحدْ نهْجهمْ فـوق يرقـون
مـثـل الخـيـول العـاديـات الأصـايـل=فتلٍ ونقْضٍ ما لنظْـمه مثايل
الفـعـل يشـهـد مايـبـي لـــه دلايـــل=نبض المشاعر في التعابيـر مدفـون
فيه اجتمع رمز الوفا و الشهامه=و بنيت له صرحٍ تعـلّا مقامـه
ووضح النقاء مرسومةٍ له علامه=عنوانه الرسمي مدوّن و مخزون
كمْ شاعرٍ يكْتب و يبـدع قصيـده=ويلقى لها جمهور و ارْياء سديـده
يعنـي مزايـا منتدانـا عـديـده=فيه الشعر واهل القصايد يغنّـون
اللي يبي جزل الشعر و المعانـي=يجي بقصرٍ مـا دخلـه الهدانـي
والحمـد لله كلبـوهـم خـوانـي=شعّار و أشعار و مواويل و لحون
في جامعه فيها قصيد و مراحـل=وآخر مراحلها زعيـم الفطاحـل
وجسمي من الاشعار ماهوب ناحل=اصوغ قافٍ بالمعاني و مـوزون
بشارك الشعّار والراس طايل=واهنّي اللي قادنـا للأويـل
اللي على العليا هميم ٍونايـل=يشهد له الشّعار بابْداع وفنون
مبـروك للدكتـور والـلـي حوالـيـه=نـبــي نهنـيـهـم مـثــل مانـهـنـيـه
زانت جهوده يوم طابت مساعيـه=والله لايخيّـب رجـا مـن يـراجـون
ياطيرنا مبروك ياجعلهـا دوم=تقدمٍ ملحوظ في حضرة قـروم
منهاجهم بالطيب عادات وسلوم=والّا الردي ياطير منبوذ بالعون
فيـه التـقـينـا بالوجيـه المسافيـر=بيض الوجيه وما بهم أي تفصيـر
نشفـق على اللقيا بهم دون تأخيـر=والعود راس المال وانتـم تعرفـون
بدايتـه ماهيـب مثـل البـدايـات=تقـدم الصـف الأمامـي مسافـات
حيث إن خطواته تجي عشر خطوات=واليا مشا قـدّام ماهـمّـه الـدون
قاد الجموع بعـدل طيـرٍ مهاجـر=واشعل على الدرب السليم الدياجـر
بالعلم والحكمه وصـوت الحناجـر=وانا مـن الـي للفطاحـل يحنـون
القصر عامر بالرجـال المناعيـر=اللي بهم شيْد البناء دون تقصيـر
ومعهم بناتٍ من خيـار الغناديـر=والكلّ أسْره واحـده دوم يبنـون
طوبه على طوبه بحكمه وتدبيـر=والنهج واضح في جميع المشاوير
ولولا العزوم الثابته ما قوى الطير=يحفظ كيانه من حقـودٍ ومأفـون
مــع هـمّــة ألـبابٍ تـــروم الـهـوايـل=مـنْ فضْلهـمْ بـعْـد الله الـيـوم طـايـل
قـــومٍ قـــرومٍ مـــن جـمـيـع القـبـايـل=يلْفون والمقْصدْ على الطّيب يسرون
فاح العبير وفـاح زبـد ٍ وخنّـه=كـنّـه فـجر عيـد ٍ وفـرحٍ نكنّـه
ورد وزهر زين القوافـي سقنّـه=لين اكتمل بستان شعر ٍ ومضمون
لاضاق صدري واهتويت القصايد=زرت المكان اللي على الغير رايد
الشعـر والـراي السـديـد المحـايـد=واخْوان واحْبابٍ بشـوق يتلاقـون
لاجيتهم شفت الطـرب والوناسـه=مجالس اهل الطيب مابـه نجاسـه
وبقْلوبهـم مافيـه خبْـث ونحاسـه=ويْـقدّرون الضيف واللي يـزورون
الكـلّ ثابـر بالـعـزوم القـويـه=من مبْتدى الرحله مسـى وضحويـه
ومن مخْتلف أقْطارهـم بالسويّـه=أخْـوات واخْـوانٍ بخيـرٍ يكيلـون
وانـا مـع الـورّاد اورّد حبـالـي=ما دامها في المنتـدى مـا نبالـي
قصر الفطاحـل دارنـا اول وتالـي=لا غبت عنّه صاب الافكار مشطـون
ومشكور ياراعي الفكر بادع القـاف=فتحت بابٍ للشكـر مابـه خـلاف
والكل عبّر من ضميره بلا اسـراف=سـلام للـي دوّن الشكـر ممنـون
مليون مـع مليـون يامنتدانـا=نورك سطع مثل القمر في سمانا
ولْنا الفخر لاصار فيك انتمانـا=اقولها مبروك مبْروك ملْيـون
مبروك لاهْل المنتدى صغار وكبـار=في رحْلة المليون من كلّ بيطـار
فطاحله بين المـلا سـرّ وجْهـار=تطلب رضى الرحمن وابْليس ملعون
مبروك لاهل المنتدى ذايع الصيـت=اهْـل العقـول النيّـره ماتجنّـيـت
اقولها واليـوم مـن فـرح غنّـيـت=اهل الفطاحل شوفهم ريّح النـون
مع التحيه والسلام
قام بالإعداد والإشراف
عبدالله الدخيل