السلام عليكم ورحمة الله وبركاته
القصه قبل خمس سنوات حصل شجار بين احد ابنا خالي يدعى فيصل مع شخص اخر في دولة الكويت ادا الى قتل ذالك الشخص اعاذنا الله من القتل ادخل السجن في الكويت وصدر الحكم بالاعدام حاولنا اكثر من مره وكلنا محامين ولم نستطيع الانقاذ احظرنا شيك مفتوح لااهل المتوفى والى الان القضيه عالقه ننتظر الفرج من الله ثم منكم والفزعه من الجميع مطلوبه
اسج الفكر والفكره تجيني والشعور اشعور= يجيني مارد الشعر الحقيقي عادته لافي
اوردها على جم(ن) قراح(ن)والشعر محكور=بيوت الشعر مخبوره وشربي منهل(ن) صافي
ليامني فتلت البيت جاني هاجسي مشكور=رقيت بعالي القمه على مرقاب مشرافي
واخذته رمعة(ن) وحده وانا في جلستي مخبور=هواجيسي على كيفي ويطرب عاده القافي
الاياهاجسي طرز بيوت الشعر فوق اسطور=وهات البيت والفكره جواب(ن) دايم(ن) كافي
على هندي ولد تركي سلام(ن)والزمان ايدور=سلام الله على شيخ(ن) حكيم الراي وسنافي
ابوه وجده السابق شيوخ وذكرهم مشهور=وهو ساير على نهج الرجال ورجل عرافي
على الطولات عاداته وهداته هداد اصقور =عوايد حر فالهده وحكمه حكم سيافي
على الفزعات نياته وعاداته طويل اشبور=ليامنه نطق كلمه جوابه دائم(ن) كافي
بعد نخوة عيال العم فز وخاطره مسرور=سعى معنا على علم(ن) يخلد كل ميقافي
قضيتنا كبيره حايره دارت عليها ادهور=وحكم الرجل صادر شنق مابه حل ياكافي
حرام ان ماوقفنا وقفة(ن) لو هي ثلاث اشهور=يصير الراس منزوع(ن) ويصبح حدر الاكتافي
نبي نحبي سوات الطفل لامنه راء عصفور=ونبي نبكي ودمع العين فوق الخد ذرافي
نبي دمع العيون الحائره فوق الثرى منثور=هدفنا واحد(ن) معروف فيصل كل الاهدافي
ونطلبهم هل الميت على نهج(ن) قديم اعصور= وهاذي حالة الدنيا وفعل الرجل ينشافي
=خالد عتيق النفيعي