ياقلب صعب اضمدك وانت مجروح =ماينفعك ياقلب والجرح غاير
كل ما تماثل للشفا جاتك اجروح =مثل سهوم الموت والوقت جاير
والله مالي فيك يالحب مصلوح =ولالي بوسط ارضك دروب ومساير
لكن وقعت بحب من عذب الروح=واخفيت حبه بالحشا والضماير
يدري بي اني عاشقه قبل لاأبوح=ويدري بقلبي به من العشق طاير
مجنونةٍ به وادبل الدمع وآنوح=وقلبي بعد فرقاه مبلي وحاير
يفوح دمي من غلا صاحبي فوح=وعيني من اسبابه تهل العباير
اقفى وقلبي من سبايبه مذبوح = امشي ولا ادري كيف هالكون صاير