[سلطان العطاوي]

يتقدمها العذر على الغياب الخارج عن الاراده ( سنكون هنا بأذن الله) تقبلوها وهي تعبر عن محتواها من شعور الجميع لا تطري الفقره ولا تطري العرق = أشّر وحنا كلبونا فدا لك أما عنينا لك من الغرب للشرق = ما نستحق أنا نسمى عيالك ياللي سرقت اقلوبنا والغلا سرق = سرقتنا لو كلبونا حلالك الحال واحد كلنا مابنا فرق = الفرق في حجم الألم والمهالك والا الحسافه تحرق اقلوبنا حرق = عشان ما نقدر نعاني بدالك يا سيّدي والشعب من غيبتك غرق = ما عاد في بطن السما الا خيالك حتى ليا شعشع من اعلى السما برق = وأقبل يلوح البرق جبنا مجالك وحتى ليا غنت على الدوحه الورق= قلنا حمام الدوح حن ولعى لك الله يردك لين كل الوطن يرق = من عودتك درب الهنا ... طاب فالك