وربي احرجتوني يالفطاحلة
مهما قلت فلن افيكم ماتستحقون
ابتداء من الترحيب وانتهاء بهذه الرائعة من بحر الجنوب
ولو اكتب بكل واحد قصيدة مااوفيتكم حقكم
ولا اجد من الكلمات ماتسعفني للبوح مما بخاطري
حي الله الشعر الجزيل المهذب = ويامرحبابك يالجنوبي واردّه
ان كان هي بالشعر مبطي مجرب = اكتب جزيله واعتني به واعده
مرات ياخذني من الشرق للغرب = ومرات يرسي بي على بحر جده
جيت ولقيت القدر والطيب والحب = الورد والجوري وريحات نده
وامثالكم للضيف كالغيث واعذب = وافعالكم بيض النوايا تشده
ولاهي غريبه طيب الاجواد مطلب = والمجد ماياتي بكبر المخده
واللي على فعل الصعيبات يتعب = يستاهل التمجيد فعله نعده
مشكور ياراع الكلام المؤدب = عساك تسلم من عنا كل شده
نشتاق للطيب ونسعد ونصحب = والا الردي ماله علينا موده
ومعرفة اهل الطيب مغنم ومكسب= وهلا هلابك يالجنوبي نرده