هذه القصيده من اقدم ماقلت في بداية التسعينات وحينها كنت اتكلم مع بعض الربع عن طريق اتصالات اجهزة النداء الأسلكي (( كنود )) بداية انتشارها بالخليج وكانو يتحدثون وانا ادخل عليهم من باب المزاح ،، فزعلو مني دون ان اعلم واغلقو الأجهزه
وكانو احد اخوتي يلقب بالدكتور وابن عم لي سنافي وعلومه طيبه يقال له علي ابو خالد وبعدها طاح الحطب :_
قال الذي يبدع من القاف بيتين = بيتين والا فوق عشره عددها
الله من هم لجا بين ضلعين = وطواريٍ تقفي ويقبل رددها
من سبة اللي لاذكر قيل نعمين = هذاك ابو خالد ربوعه سعدها
وابو محمد هاديٍ ذا حمر عين = فكاكها لاغلقت في عقدها
قمت اتغشمر والربع مسفهلين = واثر الربع يسبق زعلها رشدها
يقول ابو خالد عرفناه قبل اين = ومن قبل خوتنا يطول مددها
ارجو السموحه كان زليت ياثنين = والغشمره هي مقصدي يابعدها
انتم لنا درع الا جات صفين = وحنا لكم يمنا وسيف بيدها
وانتم لنا وسمٍ لبدو محيلين = وحنا لكم علٍ بليا رعدها
تدرون ماتعلى على الحاجب العين = والطايله ياسعد من هو وجدها
دزيتها خوفٍ من السين والجين = ومني العوض لاسودها مع فهدها
ويازين خوتنا بعد ذا من الحين = وابليس والدنيا بعيد نكدها