[الطائر المهاجر]

بعد القصيده السابقه تأملت فوجدت ان في الفخ اكبر من العصفور

قالت احبك قلت يابنت الاخيار= الحب ماله في حياتي نصيبي
الوقت حطمني على عند واصرار= يمر ليلي بين دمع ونحيبي
مشغول في نفسي اكابد للامرار= ولا نيب يمك لو تقولي حبيبي
قالت رصيدك ..قلت مجموعة اصفار= فقير عاطل والشهاده بجيبي
عامين والثالث وانا تقل طرار = ياقف على البيبان ماخاف عيبي
ان جيت للتوظيف قالوا لك انصار= ما جاك دورك فانتظر عن قريبي
ولا شفت اعلانٍ ولو كان بجدار= اركض واقدم والنتايج تخيبي
قطاع خاصٍ فيه الاجناب تختار = اللي يبو من وافدٍ او غريبي
واللي من الديره بلا اي مقدار= ولا رحت تشكي ما تلاقي مجيبي
والدار بالخيرات فاضت للاقطار= وعمت جميع الأرض شرق ومغيبي
وانا ومثلي نجرع هموم وامرار = والعمر يمضي لين قرب مشيبي
ولو كنت وافد مايجي يوم احتار= ربعي كثير ولو خذوا من نصيبي
ذنبي خليجي في بلاده بلا كار = إلا اذا ظهره بمركز رهيبي