لاتحسبن صدك يعكر مزاجي=لاوالله الادالهن ومتناسيك
من صد ماني للمقفين راجي=بلاش من رفقة خوي تعنيك
لاصارجوالود صابه عجاجي=وهبت عواصفها على جال واديك
اترك وترك عاكفين الحجاجي=اللي بلاسبة يصد ويعاديك
مادام ماله بالموده خراجي=مالك وماله لاتخليه يوذيك
تراه في عرف الصداقه سماجي=انك تقدر واحد مايدانيك
ابعد ودورات الليالي تفاجي=منه يظن انه بالاوهام شاريك
حتى ولوهو صار ولد العواجي=حذراك صوبه تافه الوقت يدنيك
لاتلفت للي بعقله انعواجي=والرجل سجها عن دروب الشرابيك
خلك بعيد لوسكنت الفجاجي=روح مع روحك وروحك تسليك
ومعزتك لاتبيعها بالحراجي=لادور الهين بالاقدام يوطيك
العزجلباب ودرع وتاجي=من لاتمسك به يشوف التهاليك
ومن لاجعل دون المهازل سياجي=بقعا توريه المهالك دواليك
وختامها ادعي وهلل وناجي=رب كريم ماتمنيت يعطيك
يجعل لنا في كل امر انفراجي=ياسابق الرحمه على الدوم نرجيك