بسم الله الرحمن الرحيم
أسعد الله جميع أوقاتكم بكل خير وسرور
كيبورديه أتمنى أن تلاقي القليل من رضاكم
( بالهون ياقلبي )
بالهون ياقلبي مع الناس بالهون = محدآ ترى ياقلبي الحين يمك
الكل في ليله يغني ومفتون = وأنت تغني تالي الليل همك
وأحباب قلبك في هواهم يغنون = وأنت تغني ليل ياليل غمك
أحباب قلبك يم غيرك يسارون = وانت تساري الهم ياقلب لمك
ماتدري أنهم في مساهم ينامون = وانت سهير الليل وأضويت دمك
الحب في دمك والأحباب ينسون = أنك تحب وحبهم حيل سمك
أصحى وصحصح يامغفل ومجنون = وخل الحلوم الي بليلك تضمك
ودك تأكد كيف للحب يلغون = شفهم بحضن الغير ملغين شمك
شفهم ترى جنبك ويمك يمرون = ماكنهم من قبل بطراف كمك
شفهم ترى قدام عينك يحبون = واحد تعدى سن خالك وعمك
نسو هوو والحين ماهم يدانون = تطري غلاهم ودهم كتم فمك
بالهون لا تزعل على الحب بالهون = بكره تلاقي من بحبه يلمك