[فارس القوافي]

والله انّ الحزن في قلبي كبر = وانّ دمعي ما وقف يذرف ذريف
ضاق صدري يوم زفّيت الخبر = يوم قلت انسى وزوّدت النزيف
وش بقى لا رحت من هذا العمر = تسقط ايّامي كما اوراق الخريف
انت لو روّحت وش عاد انتظر = غير موتي لا انطعن صدري بسيف
بسّ انا طالبك عد فيني النظر = واحكم ابحكمٍ على قلبي خفيف
خابرك طيّب ونفحاتك عطر = قلبك ابيض ماعرف ظلم ٍ وزيف
ياحنون القلب ياساكن بدر = لا تخلّيني ترى وضعي مخيف