[عبدالله راشد الثويني]

متواضعه اضعها بين ايديكم لعلها تروق لكم

شكواك للي مايودّك .. فضيحه = والنذل في قربه مذلـّـه .. ونقصان
أقولها .. يلي تريد .. النصيحه = خذها قبل ترتاب وتعود .. ندمان
ما . كلّ . من يذبح لضيفه .. ذبيحه=للمرجله وعلوم الاجواد . قد صان
من مقصده بالطيب يـَكثر مديحه = يبقى لو إنه يكسب المدح .. خسران
مايـُعرف الوافي .. بلونه .. وريحـه = كود التجارب تظهر العِلم .. ويبان
يظهر لك اللي همْ . قلبك يزيحه = ماغير فاللي عند مولاه .. طمعان
مايستمع غير العلوم الصحيحه = ولا هو على كل المواويل طربان
وتظهر علوم . الخايبه .. والنطيحه=حجمه لو إنك تازنه .. كلـّـه إلـسان
نفسه اليا جات اللوازم طريحه = من يذكره ضمن الرجاجيل .. غلطان
شرواه خلـّـه .. والأراضي فسيحه=لا بد تلقى دونه إديار واوطان