جمّعت لي قرشين باشري عماره !!
 

[poem=font="simplified arabic,4,#080800,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
جمّعت لي قرشين باشري عماره=وزوّدتها قرشين حق الدلاله



وجيت العقاري عند مكتب عقاره=شايب شنب غتره وطارح عقاله



متربّعٍ ويمز ذيك الزقاره=ولا مزّها ظرب بها في البياله



كنه خفيرٍ مستلم له خفاره=في فيّة المكتب ويتبع ظلاله



قِمَزْ ورحّب بي بشوق وحراره=تقول شايف واحدٍ من عياله



قلت اشهد ان العود راسه نعاره=يالله عساه يطيب ويزين فاله



ياشيبة الرحمن معي استشاره=وانته ومثلك شوركم ينعناله



انا غشيمٍ في دروب التجاره=والحظ وقّف لي ولا زان فاله



وباعلمك وشهي علوم القشاره=وانت الحكم واحكم وحكمك عداله
------------------=
فكيت لي مطعم وسممت حاره=وتركته وفكيت جنبه بقاله


وحطيت فيها عاملين استعاره=جارت علي رسوم نقل الكفاله



وبديت اديّن واحْسِبْ انها شطاره=وراحت ديوني كلبوها جماله



ودخلت في سوق الخشب والنجاره=وراحت فلوسي في يدين العماله



وفتحت مستوصف وحطيت ادراه=وجبت الدكاتر دارسين الزماله



جاهم مريضٍ علّته في المراره=شقّوا طرف كبده وشالوا طحاله



ونسيوا ببطنه رخصةٍ واستماره=يامن شرا له علّةٍ من حلاله



وخذيت لي ونيت دتسن غماره=وركّبت فوقه شبك واربع قفاله



وقمت اتريبح في البهم والجفاره=السوق وقت العيد يالك وياله



لين اعترضها اللي عيونه شراره=واحد عيونٍ جعل ماله سلاله



جاها على الما جعل تفجاه غاره=وقضا عليها جعل موته لحاله



واليوم ابي لي بيت واخذ اجاره=لعل باقي العمر يمشي سهاله



قال استرح وانس التعب والمراره=وهات الدراهم واكتب الكمبياله


ودْلالتي والحُر يفهم الاشاره=قبل الكلام وقبل مبدا المقاله

------------------=


اربع غرف مبنيةٍ من حجاره=ومقلّط ومجلس ومطبخ وصاله



وحوشٍ يجي للمور فيه استداره=وبوابةٍ تدخل معاها التراله



ماهوب بيتٍ من بيوت الحضاره=بيتٍ قديم من بيوت الاصاله



والموقع مميز وجنب السفاره=وان طعت شوري لاتدوّر بداله



قلت اصبر اصلّي صلاة استخاره=قال اعفني! لو جا زبونٍ وشاله!!



شريته وسقت الذهب والسواره=شيكين من عندي وشيكٍ حواله



ورحت ولقيت البيت كنه مغاره=مبني من ايام الجهل والجهاله



عينت كهفٍ فيه سبعة جحاره=ياما جرالي منه وياما جراله



والحوش يسكن فيه سبعين فاره=والباب مايدخل نفر من خلاله!!



ودوريّه يمينه والاخرى يساره!!=ووحدة جنوبيِه ووحده شماله!!



معهم تعاليم الأمن والوزاره=بان السكن جنب السفير استحاله



خذيت رشّاشي وعبّيت ناره=ناوي على الشايب وناوي قتاله



حياة مثله في الاوادم خساره=والله ماخلّيه ايتهنّا بماله



اللي مايامن به خويّه وجاره=راعي النذاله ينعن!! ام النذاله[/poem]

رد: جمّعت لي قرشين باشري عماره !!
 

[color=black][font=tahoma]الأخ الفاضل الشاعر / سعيد بن مقبل الأكلبي[/font][/color]
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي[color=black][/color]

رد: جمّعت لي قرشين باشري عماره !!
 

تسلم يامبروك
والله يجمّل حالك

رد: جمّعت لي قرشين باشري عماره !!
 

سعيد الاكلبي

صح صح السانك

وعلا شانك


قصيده لها مالها

لاعدمناك


تحيتي وتقديري

رد: جمّعت لي قرشين باشري عماره !!
 

[font="arial"][size="5"][color="olive"][color="darkred"]الشاعر / سعيد مقبل الأكلبي[/color]

نص راقي .. ومحاكاة لبعض هموم العامة ممن حملوا هم المسكن
وشاعرية متدفقة من شاعرٍ جزل .. وصاحب مِراس

صح السانك ولاهنت .[/color][/size][/font]

رد: جمّعت لي قرشين باشري عماره !!
 

[center][font=comic sans ms][size=6][color=darkorchid][i]صح لسانك[/i][/color][/size][/font]
[font=comic sans ms][size=6][color=darkorchid][i]جزلة من جزل[/i][/color][/size][/font]
[font=comic sans ms][size=6][color=darkorchid][i]لاهنت[/i][/color][/size][/font]
[font=comic sans ms][size=6][color=darkorchid][i]تحية طيبه[/i][/color][/size][/font] [/center]

رد: جمّعت لي قرشين باشري عماره !!
 

صح لسانك
واعتلا شانك
قصيده رائعه بروعة حضورك
لا خلا ولا عدم

رد: جمّعت لي قرشين باشري عماره !!
 

[font=comic sans ms][size=6][color=navy]صح لسانك يالشاعر سعيد الاكلبي[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] شاعر مبدع و جزل [/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy]و القصيدة وافيه [/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] تحكي عن واقع متعايش [/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] لاهنت يا سعيد[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] تصوير رائع من شاعر رائع [/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] تقديري لك مع التحية[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy]*********[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] [/color][/size][/font]

رد: جمّعت لي قرشين باشري عماره !!
 

[right]صح لسانك مليوووووون [/right]
[color=darkred][b][right]قصيدة جزلة من شاعر جزل

سلمت ودام بوحك [/right]
[/b][/color][color=darkred][/color]

رد: جمّعت لي قرشين باشري عماره !!
 

[font=century gothic][size=5]جزله من راس جزل[/size][/font]
[font=century gothic][size=5][/size][/font]
[font=century gothic][size=5]صح لسانك[/size][/font]
[font=century gothic][size=5][/size][/font]
[font=century gothic][size=5]ولاهان راسك[/size][/font]
[font=century gothic][size=5][/size][/font]
[font=century gothic][size=5][/size][/font]
[font=century gothic][size=5] تحياتي[/size][/font]