منتديات الفطاحله - وين أنت ياللي بالمواقف نجاوي ؟؟

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - وين أنت ياللي بالمواقف نجاوي ؟؟ (http://ftahilah.com/showthread.php?t=32345)

وين أنت ياللي بالمواقف نجاوي ؟؟

[CENTER][IMG]http://www.mo3afa.com/fasel/f54.gif[/IMG][/CENTER]

[poem=font=",6,white,normal,italic" bkcolor="indigo" bkimage="" border="double,2,tomato" type=2 line=1 align=center use=ex num="0,black""]

شريت لي موتر جديدٍ موديله = لونه على ما قيل أزرق سماوي

نظامه التقصيد والله و كيله = شيكات ندفعها عليها دعاوي

مضى معي أيام ماهي طويله = مستمتع حالي و بالي رهاوي

من شافني قال أنت شيخ القبيله = سيّر علينا يالحبيب الغلاوي

قامت تخاطفني عوالم مهيله = هذاك يعزمني و هذاك ناوي

كلن يقول سعود ما به مثيله = ما شيف بالعربان مثله حلاوي

دارت علي أيام ما هي قليله = و انا كما اللي للمعازيب ضاوي

من بعدها بيومين مع كم ليله = جاني اتصالٍ جاب لي الغثاوي

شخصٍ يكلمني ونفسه ثقيله = قال انت وينك يا لعميل الشقاوي

لك مدةٍ ماجيت تدفع حصيله = كل يوم ننطركم و حنا حراوي

بنشيل موترنا بسطحه تشيله = العقد للاطراف حق متساوي

أو تدفع اللي مستحقٍ بديله = مبالغٍ طالت و صارت مناوي

قلت امهلوا حالي وسوو جميله = با روح لاصحابي و اهل العزاوي

أهل النفوس الطيبة والنبيله = اللي لهم نهج الكريم النداوي

ركبت لي تكسي وانا له دليله = أدوّر اللي يحتسون القهاوي

اللي جمايلهم علينا جزيله = أهل العلوم الطايله و العشاوي

لقيتهم بالحال و حالي هزيله = أنظر لهم نظرات فيها رجاوي

قلت الأمر مطلوب و آنا كفيله = أهل الوكاله سببوا لي بلاوي

تكفون يا صحابي ضروفي دخيله = محتاج وقفات الرجال السخاوي

قالوا مقالك ضد من تدعي له = حنا مشاغلنا علينا طراوي

كنا نحسبك تاجرٍ في سبيله = من يوم شفنا كشختك يالصحاوي

و إلا من اهل الكاش مالي شليله = اللي لجرح الوقت دايم يداوي

اونست هرجه من وجيهٍ بخيلة = لا والله الا وجيه قشر و عداوي

عزي لحالي وموتري عزتي له = من عقب ركب البنز سقت العراوي

اللي حصل لي أمر ما فيه حيله = وين أنت ياللي بالمواقف نجاوي

[/poem]

[CENTER][IMG]http://www.mo3afa.com/fasel/f11.gif[/IMG][/CENTER]