منتديات الفطاحله - الــــحــــــــــــرامـــي

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - الــــحــــــــــــرامـــي (http://ftahilah.com/showthread.php?t=30826)

الــــحــــــــــــرامـــي

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هجرس سعود القت مما حصله = تفجرت قريحة الاحتدامي

اونس بصدري مثل وخز الاخله = وشياط مرقاعٍ على الكبد حامي

كبرت نفوذ المعضله والشكلّه = على مفاهيم الضروف الجسامي

وحاولت ارايع خاطري بالتدله = لكن موج صدوف الايام زامي

خطير فكري يختلف من محله = لولا ضميري يدعمه بالتسامي

وقامت مشاريه الرهاوه تتله = تل الرشا على جويد المقامي

من جال صهلوجٍ مهيفٍ مزله = والورد فرز ويرهجن الظوامي

فاحت على جمر الهواجيس دله = تقطع ضرم عمس التعب والمنامي

بريةٍ فنجالها يوم ازله = يشدي خضاب معورجات الوشامي

قايست حكمي له وانا مضرمٍ له = اجذيت منقه معتلين المقامي

فرايدٍ مرفاه من كل زله = تبقى على صدر الجزاله وسامي

يشفي بها قلب الغرابيل غله = وتطرد عن البال الغبش والقتامي

يرودني شفٍ ما كلٍ حصله = وشبوح جسرات الروابع حيامي

وهيج الضروف يلوف قلب الموله = كما يلوف القيض نبت النوامي

ولاكل من يسعى لعلمٍ وصله = بعض الهقاوي يعسرن المرامي

والشي زين ليا تهيا بحله = وليا تعدت فاقته ما يسامي

يهون عقد الحبل ويكيد حله = الا على فكر الشنار العصامي

ودمع التصنّع من عيون الجبله = مثل الامين اللي يحوف الحرامي

سريت في ليلٍ نجومه مطله = لكن غبشّها عتيم الغمامي

كون سوادٍ يستتيه الادله = احلك سوادٍ من شديد الظلامي

تقند خطايه خطوةٍ مستزله = واهويت مهواي العديم القطامي

والرجل لوذاه الهزيل ونزله = تخروط مع العيز واخطا السنامي

والصبر مفتاح القفول المكله = والصمت يصلح ما يعيب الكلامي

وبعض الاقارب للاقاريب عله = مثل البراد ليا دخل فالعظامي[/poem]