بوح الجروح
 

[poem=font=",6,white,bold,normal" bkcolor="red" bkimage="" border="double,4,blue" type=2 line=0 align=center use=ex num="0,black""]
( بـــــو ح الجـــــروح )


يا ناشدن في تال الايام عني=هرجن بصدري من يطيق استماعه

حديث مجروح العواطف يعني=وشلك بسمعه يا عزيز الجماعه

بوح الجروح الداميات امتحني=لو ما حكيته نازف الجرح ذاعه

مثلوم قلبي من عنا الهم جني=عجزت لاخلف خافقي عن طباعه

ماني مريض فراش با الليل اوني=بيني وبين الهم قرب ورضاعه

الحزن هو دمي وفنجال بني=سفينة الاحزان قلبي شراعه

دمعي نزيف الروح كنت امتهني=قبل انولد يامن شقى في متاعه

يقبل علي ليلي بسهر وتجني=ويبخل علي يومي بلمحة شعاعه

ويقبل علي ميلاد حبي وفني=بشموع طفتها سنين القطاعه

كنت احسب الدنيا طيورن تغني=للحب لسنين الوفا والوداعه

ولا بين خلانن حروبن تشني=والناس زاده با الحياة القناعه

واللي يغيب ايام لازم يحني=كنت اعتبر غدر المحبين اشاعه

ولا فيه منهو يسرق الفرح مني=ولا يضيع العمر في ربع ساعه

ولا هدايا الحب يومن تمني=ولا يفرق شمل عقب اجتماعه

لا والله الا خالف الوقت ظني=صار الوفا يحتاج حب وشفاعه

وين الملاك الطاهر المستكني=اللي حلف با الله ليلة وداعه

انه على العهد القديم امتثني=يخونه الله كان لمست ذراعه

راح ونسى عهد الهوى غاب عني=سار بطمان القاع واهمل رفاعه

شرى القصور وكل حلمن يمني=زيف الحياة وصافي الود باعه

ضاع الذي يمه همومي دعني=يا ليت قلبي ماسمع له وطاعه

ياقلبي انسه وش يفيد التمني=مادام عندك يا دليلي شجاعه

ماكل حلون في مذاقه يهني=ولا كل من غنى يطيب استماعه[/poem]

رد: بوح الجروح
 

[align=center][size=5][grade="ff4500 4b0082 0000ff 000000 f4a460"]
وسع الله صدرك بالصحة والعافيه وكثر الدراهم
سلمت وصح لسانك وفكرك
واعتلى شأنك
نص رائع من شاعر رائع
لاهنت
أطيب التحية
[/grade][/size][/align]

رد: بوح الجروح
 

ابداع × ابداع
صح لسانك وقلبك
ولاهان راسك
تحياتي

رد: بوح الجروح
 

[b][center][size="6"][font="decotype naskh"][poem=font="decotype naskh,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقلبي انسـه وش يفيـد التمنـي=مادام عندك يـا دليلـي شجاعـه
ماكل حلون فـي مذاقـه يهنـي=ولا كل من غنى يطيب استماعـه
[/poem]
[color=#006600]احمد الجريفاني [/color]
بوح في قمة الروعه والجمال
من شاعر لا ياتينا إلا بكل مميز وعذب
أسعدني تواجدي بين حنايا هذا النزف الراقي
مبدع ورائع وجزل شاعرنا رعاك الله
صح لسانك ملايين ملايين
ولك فائق تحياتي وتقديري [/font][/size][/center][/b]

رد: بوح الجروح
 

[font=comic sans ms][size=5][color=purple]سلمت وصح لسانك[/color][/size][/font]
[font=comic sans ms][size=5][color=purple]جزلة من شاعر جزل[/color][/size][/font]
[font=comic sans ms][size=5][color=purple]لاهنت وبيض الله وجهك[/color][/size][/font]
[font=comic sans ms][size=5][color=purple]تحية طيبة[/color][/size][/font]
[font=comic sans ms][size=5][color=purple][/color][/size][/font]
[font=comic sans ms][size=5][color=purple]زهرة[/color][/size][/font]

رد: بوح الجروح
 

صح لسانك ولا هنت
قصيده رائعه
يعطيك العافيه

رد: بوح الجروح
 

استاذي ابو فراس !!

لا اخفيك ان نصوصك الشعريه دائما ً تلامسنـي
واجدها فيني كثيرا ً
صح لسانك يالغالي
تحيتي واحترامي لك

رد: بوح الجروح
 

الاخ الشاعر / احمد الجريفاني
صح لسانك ولاهان راسك

قصيده طيبة بطيب راعيها

تقبل مني أجمل تحية

واعجابي بما قرأت

رد: بوح الجروح
 

ابيات رائعه جدا
بارك الله فيكم
تحياتي وتقديري

رد: بوح الجروح
 

لا والله الا خالـف الوقـت ظنـي
صار الوفا يحتاج حب وشفاعـه
وين الملاك الطاهـر المستكنـي
اللي حلف بـا الله ليلـة وداعـه
انه على العهـد القديـم امتثنـي
يخونه الله كـان لمسـت ذراعـه
راح ونسى عهد الهوى غاب عني
سار بطمان القاع واهمل رفاعـه
"""""""""""""""""""""""""
الجريفاني
ناقضات العهوووود من يأمنهن
صح السانك ملايين
جزلة وطيبة جدا قاف ومعنى لافض فوك
شكرا لك