ياحمود براق الدجى صار له ضوح
 

[poem=font=",6,white,bold,normal" bkcolor="black" bkimage="" border="double,4,orange" type=2 line=0 align=center use=ex num="0,black""]

ياحمود براق الدجى صار له ضوح=يجلى هموم اللي تململ وضاقي
غيمه تساوق يشبه الرسم باللوح=وسيله بدار الزين زاد انـدفـاقي
وسميةٍ يلعب بها كل مـمـلوح=من خوفها ماجاه حتى الشلاقي
كم شيخ قــومٍ دونها طاح مسدوح=وكلٍ جـفـل من خوف قـطـع التراقي
يفرح بها قلبٍ من الزين مذبوح=من يوم ضاعت بالحبيب المهاقي
دخلت لاجله حفرةٍ تهلـك الروح=بـارضٍ بـيــاحٍ ما تجيه السواقي
ماسار فيها ناجع البدو وسروح=ولا داج فيها لابسين الطواقي
ساقت حلوفه مامشت لاجل مصلوح=وايمان مايطري عليها الفراقي
وامسيت في حبه شـفــوق ومشفوح=ووطيت نـارٍ جـمرها مايطاقي
وعاشت بفكري دايـمٍ وين مااروح=كن الضماير من وراها تـسـاقي
غديت من دمعي مع الناس مفضوح=ياتـقـل لـه مـن فـوق خــدي سباقي
من عقب ماني عند الاجواد ممدوح=هربت عنهم في طويل المراقي
وزودٍ على الـدمع الـذي طاح مسفوح=نومي غدى منها على عظم ساقي
صارت لابن شعلان من طاح مجروح=يشفط من الضيقه سبيل العراقي
وعـقـبـه جزى قلب الوفى هجر ونزوح=ولا جـاء مـنـي للـزيـن غـدر وشقاقي
اقفت وانا حالي مثل نايح الدوح=ولا تاصل الـمـجـمـول حـتـى البراقي
نار الـمـحـبه مالها وصف وشروح=نـاره تـزيــد بـهــاجـســي واشتـيـاقي
واليوم ماشافت على الدرب مربوح=وعــادت تـســوق ظـعــونـهـا والـنـيـاقي
يمكن تظـن انـي على الدرب مطروح=او ان قــلـــب اللي فــقــــدهـــا يـعــــاقــي
وشنوح ترجع عقب فـرقــاك وشنوح=والا بـوقـت الـضـيـق تـبــي الـمتاقي
بنيت باحلام الهوى قصر وصروح=ولاكنت احسب هروج حبك نفاقي
من عقب ما باب الوناسات مفتوح=حطيت لي قفلٍ شديد الغلاقي
ودام الـهـوى عـنـدك فـراغـات ومزوح=الـيــوم ريـقــــك عــلــقـــــمٍ ما يــذاقــي
ومن هـاتـفـي رقـمك من العام ممسوح=وعن رجعتي سقـنـا ثلاث الطـلاقي
والله عقب جرحك فلا انـتــه بمسموح=وشلون اسامح من غدر بي وباقي [/poem]

رد: ياحمود براق الدجى صار له ضوح
 

ياسلام عليك
ماتجيب الا الجزلات وهذي عوايدك
كل الشكر والتقدير لكم
تحياتي

رد: ياحمود براق الدجى صار له ضوح
 

الاخ الفاضل الشاعر / فواز الغسلان
قصيده في غاية الروعه
صح نبضك وبوحك
ولاعدمناك

رد: ياحمود براق الدجى صار له ضوح
 

الأخ الشاعر / فواز الغسلان

صح لسانك

مليون ولايوفون

نص جزل من جزل

تقديري ,,,,

رد: ياحمود براق الدجى صار له ضوح
 

الغسلان
صح السانك ملايين
جزلة وهادفه لافض فوك
شكرا لك

رد: ياحمود براق الدجى صار له ضوح
 

ومن هاتفي رقمك من العام ممسوح
وعن رجعتي سقنا ثـلاث الطلاقـي
والله عقب جرحك فلا انته بمسموح
وشلون اسامح من غدر بي وباقـي


قوية

سلمت وصح لسااانك

رد: ياحمود براق الدجى صار له ضوح
 

[frame="3 70"][size="5"][color="green"][center][frame="9 70"]


ابن غسلان ، الشاعر الفنان

صح لسانك مليووون
...

شاعر مميز

لك أسلوبك الخاص الصعب

الذي لا يجيده سواك

صح لسانك مدد بلا عدد

إعجابي و احترامي

لك

،،،،،،،،،،،،،،،،،،،،، [/frame][/center][/color][/size][/frame]

رد: ياحمود براق الدجى صار له ضوح
 

[quote=منيع;654355]ياسلام عليك
ماتجيب الا الجزلات وهذي عوايدك
كل الشكر والتقدير لكم
تحياتي[/quote]

[color="blue"][size="5"][center]


الاخ الشاعر منيع اشكرك على مرورك النبيل

ودي وتقديري[/center][/size][/color]

رد: ياحمود براق الدجى صار له ضوح
 

[quote=مبروك بن ماضي;654358]الاخ الفاضل الشاعر / فواز الغسلان
قصيده في غاية الروعه
صح نبضك وبوحك
ولاعدمناك[/quote]
[color="blue"][size="5"][center]


الشاعر الغالي ابن ماضي كل الشكر لك

لاهنت يالذيب[/center][/size][/color]

رد: ياحمود براق الدجى صار له ضوح
 

[quote=عذب القوافي;654366]الأخ الشاعر / فواز الغسلان

صح لسانك

مليون ولايوفون

نص جزل من جزل

تقديري ,,,,[/quote]


[color="blue"][size="5"][center]

الاخ الشاعر ابن خزيم تشرفت بك وبمرورك العذب

ودي وتقديري[/center][/size][/color]