وجّهت من ضيقة ٍ بالصدر عصريّة
 

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وجّهت من ضيقة ٍ بالصدر عصريّة=أدور علاجها في صحصح ٍ خالي
من فوق شاص ٍ من خيار البريميّة=شاريه من حُر مالي نقد بريالي
ماجا عطيّة ولا من الغير عاريّة=ومن الشحاذة وأهلها تكرم سبالي
وجهتبه والتوانك فل ممليّة=ومكمل ٍ عزبتي بالمر والحالي
وعن البشر رحت في دار ٍ خلاويّة=وأبعدت عن ذبذبة الإرسال جوّالي
ووقفت في ديرة ٍ بالوبل مسقيّة=على يميني الضنط والباطن شمالي
وشبيت ضوّي لكيف الرأس بريّة=ضو ٍ حطبها حطبته جزل وجلالي
ونزّلت لي من خيار الفرش زوليّة=وفرشتها عكس صفق الساعر الصالي
والشنطة اللي من الأغراض ممليّة=الكيف فيها وفيها كل معمالي
وقننت ماء دلتي في وسط خمريّة=من صنع بغداد جت مع من جلبهالي
وجذبت جمر ٍ من أسفل ناري الحيّة=وفرشته لدلتي تقطع بالإمهالي
وقربت نجر ٍ قديم ٍ صنع سوريّة=لاسمعه اللي حزين يون ويلالي
ودقيت به قفرة الكيف الخليطيّة=مابين هيل ٍ وعود وقرف سنغالي
وقربت من تمر بيشة نوع صفريّة=وقدعت سبع وعددها وتر فنجالي
وبعد العشا طاب لي لعب الهجينيّة=ونظمت سبعة عشر بيت ٍ على الآلي
ذي ونستي لاحصل بالصدر تكيّة=أروح في صحصح ٍ ماغير أنا لحالي
تحتدني للخلا نفسي الشقاويّة=واللي بينقد عليّه ماله ومالي[/poem]


[font=arial][color=#ff0000]الضنط المذكور بالقصيدة جبل علم يقع في المهمل بين بيشة ووادي الدواسر[/color][/font]

رد: وجّهت من ضيقة ٍ بالصدر عصريّة
 

[font="courier new"][size="5"][color="navy"]الشاعر القدير (شجاع عمر الأكلبي ) يالله عليك ياشيخ على هذه القصيدة الباسقة المترفة بجمال الحرف وروعته , صح لسانك اخي الكريم ودمت بكل خير .[/color][/size][/font]

رد: وجّهت من ضيقة ٍ بالصدر عصريّة
 

شجاع الاكلبي

سلمه الله


الله عليك عزالله قلت واجزلت


ولايمك عمى


يابو عمر



مليون مليون صح السانك


وعلا شانك



تحيتي وتقديري

رد: وجّهت من ضيقة ٍ بالصدر عصريّة
 

شجاع الأكلبي
صح السانك وبنانك
وافية وطيبه كصاحبها
شكرا لك
ولاهنت

رد: وجّهت من ضيقة ٍ بالصدر عصريّة
 

الجزل / شجاع الأكلبي

صح لسانك

نص جميل من شاعر حاضر

لله درك من مبدع

تقديري ,,,,,,

رد: وجّهت من ضيقة ٍ بالصدر عصريّة
 

صح لسانك يالاكلبي ملايين عزالله اني دخلت جو مع الابيات هذي... جزله وشاعرها جزل ومميز..تحياتي..

رد: وجّهت من ضيقة ٍ بالصدر عصريّة
 

[center][size="4"]ووقفت في ديرة ٍ ( [color="red"]بالوبـل[/color] ) مسقيّـة = على يميني الضنط والباطن شمالـي[/size]

،،،،،،،،،،،،،،،،،،،

[size="5"]
[size="5"][color="indigo"]
صح لسانك يالشاعر الرائع شجاع

أبدعت في الوصف و التصوير بشكل رائع

كـ عادتك دائما

صح لسانك مع التقدير لك

،،،،،،،،،،،،،،،،[/size][/color][/size][/center]

رد: وجّهت من ضيقة ٍ بالصدر عصريّة
 

الغالي شاعرنا المميز والمُبدع دائماً / [URL="http://www.fatahilah.com/member.php?u=4612"][SIZE=2][COLOR=#009900]شجاع عمر الأكلبي[/COLOR][/SIZE][/URL]
صح لسانك مليون ولا يكفون نص وافي وجزززل من شاعر متمكن
أتحفتنا بهذه الرائعه الله يعطيك العافيه
طامعين بجديدك
تقبل وُدي

رد: وجّهت من ضيقة ٍ بالصدر عصريّة
 

الشاعر شجاع الاكلبي

قصيدة رائعة

صح لسانك شاعرنا و بيض الله وجهك

تحيتي و تقديري

رد: وجّهت من ضيقة ٍ بالصدر عصريّة
 

[center][glow=003333][size=6][font=comic sans ms][color=#ffffff][color="deepskyblue"]
[color=#00ccff][size=7]
[color="plum"]شجاع الاكلبي

صح صح الساانك مدد بلا عدد

قلت واجزلت كالعاده

ابداع غير مستغرب عليك

سلمت [/color][/size][/color]

[/color] [/color][/font][/size][/glow][/center]