|
البارحه حسيت هزه
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه حسيت بالقلب هزه=هزت شرايينه من اقصاه لدناه اسباب ماشافت عيوني بغزه=تبكي نساويها على اطفال مسجاه صهيون قواته بغزه تنزه=وحنّا نتفرج والايادي مكباه عزّ الضمير الحي ياشيخ عزه=الظاهر انه مات من كثر ماجاه ابن العرب همه بصدره ينزه=ومن القهر يمسي على ساحل الآه الكبت في داخل فؤاده يغزه=عنه العراقي عبّر برمية حذاه مليار مسلم مثل (كيسٍ برزه)=يطبخ شوي شوي والنار مجذاه راسٍ رضى بالذل ودك تجزه=وشلون مسلم مانعينه ونرعاه مافادتك كشخه ومالٍ ورزه=لاسرت في ذله وعيشك محاباه عدوك ان ماسرت دايم تكزه=يطمع وفيك يغز رمحه وشلفاه لكن اشوف الوقت غيّر مدزه=كلٍ تلّحف في منامه على غطاه الصقر صار يخاف من هوش وزه=من عقب ماهو ينتف الخرب بحشاه لاتيأسي ياأمةٍ فيك عزه=صبراً جميل وخالق الكون نرجاه لابد ماترجع ليالي المعزه=وناسر عدو الدين ونشل يمناه الى تدبّرنا الكتاب المنزه=وسرنا على سنة محمد وممشاه[/poem] |
رد: البارحه حسيت هزه
صح لسانك أخي / مسلم
نص وافي من وافي سعدت بحضوري الأول تقديري,,,,,, |
رد: البارحه حسيت هزه
[quote=عبدالكريم بن خزيم;533128]صح لسانك أخي / مسلم
نص وافي من وافي سعدت بحضوري الأول تقديري,,,,,,[/quote] شاعرنا القدير عبدالكريم بن خزيم ازداد متصفحي شرفا بان تكون اول من يعلق على القصيده واشكر لك تواجدك الدائم... تحياتي ياغالي,,,,, |
رد: البارحه حسيت هزه
[COLOR="Navy"][B]الفاضل مسلم العميري..............
صح لسانك وسلم بنانك همك وهم كل مسلم نفثته محرقا ناطقا بلسان الكل دمت بود [/B][/COLOR] |
رد: البارحه حسيت هزه
العزيز الفاضل مسلم عواد العميري سلمه الله
مليون صح السانك يامسلم ولله درررررك بيض الله وجهك على هالابيات المؤثره والمبهره الـى تدبّرنـا الكتـاب المـنـزه وسرنا على سنة محمـد وممشـاه نعم نعم نعم وهذا هو الحل الـى تدبّرنـا الكتـاب المـنـزه وسرنا على سنة محمـد وممشـاه الله عليك ياسلام قلت فأجزلت تحيتي |
رد: البارحه حسيت هزه
[size=4][align=center][grade="00008B FF6347 008000 4B0082"]
صح لسانك يالشاعر مسلم ثم صح لسانك ثم صح لسانك رائع رائع رائع تحيتي لك ،،،،،،،،[/grade][/align][/size] |
رد: البارحه حسيت هزه
اخوي المبدع :
الشاعر / مسلم العميري الف صح لسانك على هذه الرااائعه .. سعدت بقراءتها وتشرفت بحضوري هنا سجل اعجابي وتقبل تحياتي وتقديري أخوك / بن ماضي |
رد: البارحه حسيت هزه
شاعرنا مسلم صح لسانك والله يجعلها في موازين حسناتك لاهنت
|
رد: البارحه حسيت هزه
ابيات رائعة ومعبرة
والحال مؤلم جدا شكرا لشعورك الطيب تحياتي |
رد: البارحه حسيت هزه
العميري
صح السانك وبنانك على هالشامخه لافض فوك شكرا لك |
| الساعة الآن 03:23 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة