صحيح حنا عرب (ضاعت عروبتنا)
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
صحيح حنا عرب ضاعت عروبتنا = في ردة الفعل نستغرب ونتبكا
في ضل شهواتنا ضاعت عقيدتنا =صرنا هدف شعب لاصلى ولازكا
نشري رضى الغرب في تفريق وحدتنا=نزعل لو الغرب منا صار يتشكا
صرنا نعزي بعض في موت همتنا=وحصوننا دكها جيش العدى دكا
القدس تصرخ خساره وين نصرتنا=واليوم غزه غزاها من غزى عكا
نحرص مع الغرب مانخسر علاقتنا=وإنا من افعالهم نصلب ونـتذكا
ماهمنا لو نفرط في كرامتنا=وارواحنا جالها عند العدى سفكا
الغرب يغرس نظامه في ثقافتنا= نستغبي الناس ماندري من الأذكا
المال وحده تحكم في سعادتنا =صرنا على شنطة ألأموال نتمركا
صحيح حنا عرب ضاعت عروبتنا = في ردة الفعل نستغرب ونتبكا[/poem]

رد: صحيح حنا عرب (ضاعت عروبتنا)
 

صح لسانك مليون

لاهنت ابيات رائعة

سلمت ودمت بخير

رد: صحيح حنا عرب (ضاعت عروبتنا)
 

عايض ابو شيبه

صح لسانك واعتلا شانك

لاهان راسك

رائعه بروعة حظورك

دمت بخير

رد: صحيح حنا عرب (ضاعت عروبتنا)
 

صورت واجدت واقع هذه الامة المتهالكة
شكرا لك
تحياتي

رد: صحيح حنا عرب (ضاعت عروبتنا)
 

صح لسااااااااانك مدد
قصيده في الصميم
وابدعت يامميز
نسأل الله ان يفرج كربة اخوانا في فلسطين الحبيبة
وينصرهم على اليهود عليهم من الله مايستحقون

رد: صحيح حنا عرب (ضاعت عروبتنا)
 

الفاضل :عايض ابوشيبه
صح لسانك وجاد بيانك
وتسلم يمينك على هالقصيدة الموجعه
والمشتكى لله يابو شيبه
سجل الاعجاب والتقدير
تحياتي واحترامي لك ،

رد: صحيح حنا عرب (ضاعت عروبتنا)
 

الشاعر/ عايض ابو شيبة
سلمت وسلم فكرك
جزلة من شاعر جزل
ولك مني
اطيب تحية

رد: صحيح حنا عرب (ضاعت عروبتنا)
 

صح لسانك ياعايض

نص هادف وفي صميم القلب

دام حرفك ودمت بخير

رد: صحيح حنا عرب (ضاعت عروبتنا)
 

صح لسانك اخوي
قصيدة جزله
تحيــــــــــــــــــــــــاتي لك
:)

رد: صحيح حنا عرب (ضاعت عروبتنا)
 

صح لسانك ياعائض

والله يصلح الحال وانا اخوك

جزل

لاهنت

تقبل مروري

وتقديري