منتديات الفطاحله - عوده بعد الغياب قصيدة( ينتابني)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - عوده بعد الغياب قصيدة( ينتابني) (http://ftahilah.com/showthread.php?t=23647)

عوده بعد الغياب قصيدة( ينتابني)

السلام عليكم ورحمة الله وبركاته
اعود اليكم اليوم بهذه القصيده متمنيا ان تعجبكم مع خالص تحياتي لمنتديات الفطاحله
ومشرفيها وشعراءها وزوارها لكم خالص الود مضاعفا اخوكم عيد الماجد

[poem=font="Tahoma,6,black,bold,italic" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
ينتابني اشعور اجافي قصيدي =
= واهجر قوافي الشعر من غير رجعه
وابدأ بعمري في زمان جديدي =
= واطرد دجى ليلي بمليون شمعه
ملت عيون نزفها كالوريدي =
= ماعاد تحلم منها تهل دمعه
ياغربتي اقسي عليه وزيدي=
= ماعاد اضعف مهما بالصدر وجعه
بالصدر مو قلب ذا قطعة حديدي =
= متجمع من كل سكراب قطعه
علمني الوقت استمر مااحيدي =
= عن درب اخترته رغم سوء وضعه
باسير دربي لو هو درب بعيدي=
= بااصراري وعزمي وهدوئي اقطعه
ماهزت الدنيا اشعره بظهر ايدي=
=دايم معاها محتمل كل لوعه
ماارتحت منها حتى في يوم عيدي=
= تسقيني من نكباتها كم جرعه
لكن على عهدي لها مع وعيدي=
= باقي لها موج قوي صعب ردعه
تتكسر بصدري سهام الحديدي=
= وابقى بشموخي وكل الاحقاد صرعى
ماهمت الخافق خيانة عضيدي=
= يوم نكر معروفي اللي اصنعه
يوم عطيته بيوم بلواه ايدي =
= رده لمعروفي اسف كان صفعه
الله اكبر مااصدق اكيدي=
= اني بحلم وكل مافات خدعه
وان الزمن وردي لطيف وسعيدي=
= ودايم وفي وهذا على الدوم طبعه
لكن نهاية غايتي في قصيدي=
= ان البشر مابين سبعه وتسعه
وان الاصل والدين يبقى وحيدي=
= ليش الغدر بين البشر صار صرعه
الكل لله وكلنا له عبيدي=
= نرجى رضاه بكل سجده وركعه[/poem]