طــلـــعــــة الـغـــــــاط
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت احسب اني من عنا الوقت محتاط = لين ان مرقاعه كواني بكيه
لاهوب في جاشي صلا بارد شباط =لضو الدهر عبر الضروف القسيه
انطح مواجيب النشاما ومشتاط = على سلوم العزوه العبدليه
وتزمي قدم عيني كبر طلعة الغاط = واشوحها وانا عزومي قويه
والوقت هداته على الطيّب نشاط = والشوح مرهي والمسافه مديه
ومداحمي زقمه تقل زقم مقراط = وموقّدن به في لحوم البريه
يدخل مثل ما يدخل الابره الخاط = ومن اتفه الاسباب يصنع قضيه
واللي يفرط يصبح بحكم الإفراط = لو يتصنّع تنكشف كل نيه
تبدي نضوحه قبل تكميل الاشواط = بمسحة لسانه في يباس الشفيه
بعض البشر في شوفته كل الاحباط = والا بعضهم شوفته معنويه
احروف دون نقاط وحروف بنقاط = وجميعها في حسبة الابجديه[/poem]

رد: طــلـــعــــة الـغـــــــاط
 

صح لسانك اخي الشاعر سعود

لاهان راسك قصيدة راائعة

ويسرني اكون اول المارين

سلمت وسلم شعرك

دمت بخير

رد: طــلـــعــــة الـغـــــــاط
 

[COLOR="Purple"]قصيده رااائعه ...

وكلمات عذبه....

صح لسانك وعلا شانك

ولاهنتــــ....[/COLOR]

رد: طــلـــعــــة الـغـــــــاط
 

الشاعر /سعود

صح لسانك.
قصيده رائعه

تحياتي وتقديري

رد: طــلـــعــــة الـغـــــــاط
 

صح السانك يا اخ سعود القت

ماهي غريبه عليك الجزاله يا الجزل

لله درك على هذه الابيات

دمت بخير وصحه وعافيه

رد: طــلـــعــــة الـغـــــــاط
 

بعض البشر في شوفته كل الاحبـاط
والا بعضهـم شوفـتـه معنـويـه
احروف دون نقاط وحـروف بنقـاط
وجميعهـا فـي حسبـة الابجـديـه



صح صح لسااااااانك

وبيض الله وجهك


ياشيخ لوما كتبت الا هالبيتين



لله درك شعر في شعر



صادق الود

رد: طــلـــعــــة الـغـــــــاط
 

العزيز الغالي سعود القت سلمه الله


الف الف صح السانك وعلا شانك

لاهنت وبيض الله وجهك ياسعود


تحياتي
مع اسمى ايات الشكر فائق الاحترام واطيب المنى رعاك الاله

رد: طــلـــعــــة الـغـــــــاط
 

الجزل / سعودالقت

قافيه جميله

قصيده وافيه

صح لسانك

يالغالي

ت ق د ي ر ي

رد: طــلـــعــــة الـغـــــــاط
 

واللي يفرط يصبح بحكم الإفراط = لو يتصنّع تنكشف كل نيه
تبدي نضوحه قبل تكميل الاشواط = بمسحة لسانه في يباس الشفيه
بعض البشر في شوفته كل الاحباط = والا بعضهم شوفته معنويه
احروف دون نقاط وحروف بنقاط = وجميعها في حسبة الابجديه


الاخ الفاضل/ سعود القت
صح لسانك وعلى شانك
نص شعري راقي جدااا معنى وقافيه
جزل ياسعود
تقبل تحياتي
أخـــــــــوك
س / ص

رد: طــلـــعــــة الـغـــــــاط
 

انطح مواجيـب النشامـا ومشتـاط
علـى سلـوم الـعـزوه العبدلـيـه
وتزمي قدم عيني كبر طلعـة الغـاط
واشوحهـا وانـا عزومـي قـويـه
::::::::::::::::::::::
سعود القت
صح السانك وبنانك مدد بلا عدد
لاهنت ياراعي الجزلات دائما
شكرا لك عيني