الى كل المشرفين بدون استثناء
 

السلام عليكم ورحمة الله وبركاته

معليش بطيح الميانه شوي وابقترح اقتراح اشوفة حلو

لاحد يقول عضو جديد وازعجنا!!!!
لتعم الفائدة للجميع
ارى ان يكون لكل موضوع هادف في اي زاوية من زواياالمنتدى مكان للتصويت فجميع القراء يصوتون على الموضوع
فإن كان التصويت بالاعجاب يثبت الموضوع لمدة اسبوع ويوضع له اي شي يميز مرتبته مثلاً نجوم
20% نجمه
50% ثلاث نجمات
90% سيفين وتاج (امزح )
الي هو

بحيث تزيد روح التنافس في هذا المنتدى

والشور شورك يا يبه والراي رايك يا يبه>>>>>> ( المشرف العام)

وسلامتكم
كامل الاوصاف

والله كلام زين ونا ابوك ...
اقول ترى عندي 7 مال منهم ، إن كان ودك تاخذ زكاة!!
حقيقة كلامك على العين والراس ... ولكن تونا بادين ، ولابعد صار عندنا العدد
الكافي من الأعضاء اللذين يمكن لخلق التنافس بينهم أن يشجعهم على الإبداع أكثر ، اخاف
نعطي واحد نجمة ويزعل واحد ، ثمن ينحاش
وإلا الفكرة رائعة ، بس تبي التوقيت المناسب
شكرا لك
مع أطيب تحياتي

مشكور يامشرفنا العزيز
والله ودي اخذ واحد بس مانيب مستحق الزكاة الله يجزاك خير
واتوب ولا عاد اتعودها
والتوبه هالنوبه

لا .. ماهوب القصد إنا نبيك تتوب ..
بالعكس أفكارك جميلة .. بس يبي لها التوقيت المناسب ..
اية اكبر أنت وإلا اخوك اللي معنا في المنتدى!!

[quote=المشرف العام]لا .. ماهوب القصد إنا نبيك تتوب ..
بالعكس أفكارك جميلة .. بس يبي لها التوقيت المناسب ..
اية اكبر أنت وإلا اخوك اللي معنا في المنتدى!![/quote]
اتوب مابي زكاة الله يخليهم لك ويتربون بعزك والا الافكار ابشر بسعدك
كلكم اخواني وانتم اكبر مني مقام وقدرا
اخوك الصغير كامل الاوصاف

فعلا فكره رائعه اخوي كامل

ذيب امعط..!!
على كل وجدت الإجابة ...
شكرا لك ..
تحياتي

فكره حلوه

بس مثل ما قال مشرفنا الغالي

الأعضاء قليلين يبي لها وقت لما يكثرون شوي :)

وشكرا لك :)

ياهلا بكامل الاوصاف


والله الفكره رائعه ونتمنى نشوفها وتطلع للنور

ولا تبخل علينا بأفكارك

لك تحياتي....................

الفكرة مرة حلوة واحس انها تحمس الاعضاء

بس مثل ما قال (بابا) لسه بدري سوي