فيمامضى افرح بشوف الغيم واسـعاله
 

السلام عليكم ورحمة الله
اسمحولي يالفطاحـــلة من غــلاكم ابفضفض عليكم
وماهو بالخاطر ليس بناطر


[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
البارحة يوم مزن الوسم هماله=الكل اشوفه سعيد وحيل متهني
احدن نصى ديرته واحدن مع عياله=واحدن على موتره مبسوط ويغني
وانا ظروف العمل تشبكني حباله=مع كل قطرة مطر دوامي يلزمني
اربع وعشرين ساعه نرقب هلاله=مع دوني واقبال وحشمت واحمد وحسني
وانا هواوي وشوقي فايح دلاله=عقب المطر يم (رغبه) خاطري حني
وظنايه اللي يأس واستفزع بخاله=يقول بابا بعيدن مادرى عني
ماخذ له ايام مابين بمدهاله=وابيك ياخالي يم البر تاخذني
ياعزيز الله وكيلك حالتي حاله=لو تدري وشهي ظروفي كان تعذرني
الوقت قاسي وظرفي زايد اقفاله=وغبر الليالي يابوك اليوم حدني
حاولت وقالوا النظام وقلت يافاله=علي وغيري بيطمر طمرة الحصني
خالداسيرالعمل مابين بنقاله=وبعض العرب في رحى الصمان مستني
ومعها جهازن يسمى برافو ارساله=من وين مارحت ياتي بالخبر عني
لوي ورى طويق لوي زابن جباله=ارساله يحوم فوق الراس يتبعني
ومديري اللي طوال الوقت جواله=رقمه على شاشتي ياكثر مارني
يامر جنوب الرياض ويامر شماله=ومرن على انفاق خط الخرج يامرني
يقول جاني بلاغ بكثرة اعطاله=واكتب لي تقرير وهات العلم وافدني
والبلشه ان المقاول فالعمل عاله=ردي فالشغل ولاهو يملك الفني
الفني اللي خبير بيتقن اشغاله=لاحدد العطل ولاهو اللي ساعدني
برد وهبوب ومطر وبروق شعاله=والخط مزحوم ذا يبعد وذا يدني
ويشهد لي الله صرت بوضع يرثاله=ويشفق على حالتي من كان يحسدني
يوم انتحى الليل مسرع دز مرساله=ابرق خطابن غريبن فيه ينذرني
قلنا العدل مير زادالظلم مكياله=حكمه مهو حكم واحد مذهبه سني
خطا خطا اللي مرسي العقدواعماله=واضح خطاهم ولكن صرت اناالمجني
وفي هالزمان الغريب اللي نكس حاله=رضيت بالظلم لوهو مر يالمني
فيمامضى افرح بشوف الغيم واسعاله=واليوم لا لاح برقه زادبي حزني
ويالله يامدبر ابن ادم على احواله=تفرج لمنهو اسير المكتب الفني[/poem]

رد: فيمامضى افرح بشوف الغيم واسـعاله
 

[COLOR="SeaGreen"]الله عليك
صح لسانك ولا هنت
صدقت بقولتك
احدن نصى ديرته واحدن مـع عيالـه
واحدن على موتـره مبسـوط ويغنـي

انا طالب وعزوبي لما جاني خبر ان فيه امطار مشيت وانا عندي اختبار السبت هههههههههه بس وسعت خاطري وبرجع بكرا الصبح لاجوا الاختبارات

عسى الله يسهل أمورك يا الغالي
وتسلم يمينك على ها الابيات القصيده بكاملها من غير تجزءه رائعه وتستحق الوقوف والقراءه

تحيتي لشخصك الكريم[/COLOR]

رد: فيمامضى افرح بشوف الغيم واسـعاله
 

وانـا هـواوي وشوقـي فايـح دلالـه=عقب المطر يم (رغبه) خاطري حنـي
وظنايه اللـي يـأس واستفـزع بخالـه=يقـول بابـا بعيـدن مـادرى عـنـي
ماخـذ لـه ايـام مابـيـن بمدهـالـه=وابيـك ياخالـي يـم البـر تاخـذنـي
ياعزيـز الله وكيلـك حالتـي حـالـه=لو تدري وشهي ظروفي كان تعذرنـي
الوقت قاسـي وظرفـي زايـد اقفالـه=وغبر الليالـي يابـوك اليـوم حدنـي

الله الله الله الله
عليييييييييييك
والله محزنه ومن قلب محزن
الله يجبر بخاطرك وتشوف ديارك
واهلك وعيالك.
والله يخليهم لك ويحفظهم
حال الدنيا وانا اخوك بس الصبر وراه الفرج
جزلة من راس جزل
وصح لسانك مليووووووووون ياغالي
وبيض الله وجهك
بس قمة في الحزن
عسى الله يفرح قلبك
وتعطينا قصيدة لقاء وطلعة بر
وفرحه
يااااااااااااااارب

رد: فيمامضى افرح بشوف الغيم واسـعاله
 

تسلم اخي الشاعر خالد عبدالعزيز

على هذه الابيات الجميله

دمت بالف الف خير

رد: فيمامضى افرح بشوف الغيم واسـعاله
 

[QUOTE=الـسـمـح;360490][COLOR="SeaGreen"]الله عليك
صح لسانك ولا هنت
صدقت بقولتك
احدن نصى ديرته واحدن مـع عيالـه
واحدن على موتـره مبسـوط ويغنـي

انا طالب وعزوبي لما جاني خبر ان فيه امطار مشيت وانا عندي اختبار السبت هههههههههه بس وسعت خاطري وبرجع بكرا الصبح لاجوا الاختبارات

عسى الله يسهل أمورك يا الغالي
وتسلم يمينك على ها الابيات القصيده بكاملها من غير تجزءه رائعه وتستحق الوقوف والقراءه

تحيتي لشخصك الكريم[/COLOR][/QUOTE]

الغالي الشاعر السمح صح بدنك والله يسمح امورك
وشرفتني بمرورك وتعليقك الجالب للفرح
ولاهنت وسلامي لحائل ولأهل حائل وجبه واهلها

رد: فيمامضى افرح بشوف الغيم واسـعاله
 

[quote=محمد الأحمري;360493]وانـا هـواوي وشوقـي فايـح دلالـه=عقب المطر يم (رغبه) خاطري حنـي
وظنايه اللـي يـأس واستفـزع بخالـه=يقـول بابـا بعيـدن مـادرى عـنـي
ماخـذ لـه ايـام مابـيـن بمدهـالـه=وابيـك ياخالـي يـم البـر تاخـذنـي
ياعزيـز الله وكيلـك حالتـي حـالـه=لو تدري وشهي ظروفي كان تعذرنـي
الوقت قاسـي وظرفـي زايـد اقفالـه=وغبر الليالـي يابـوك اليـوم حدنـي

الله الله الله الله
عليييييييييييك
والله محزنه ومن قلب محزن
الله يجبر بخاطرك وتشوف ديارك
واهلك وعيالك.
والله يخليهم لك ويحفظهم
حال الدنيا وانا اخوك بس الصبر وراه الفرج
جزلة من راس جزل
وصح لسانك مليووووووووون ياغالي
وبيض الله وجهك
بس قمة في الحزن
عسى الله يفرح قلبك
وتعطينا قصيدة لقاء وطلعة بر
وفرحه
يااااااااااااااارب[/quote]

الشاعر الاحمري صح بدنك ياغالي
وشكرا لك ولتعليقك المحفز وكلماتك الطيبه
وبيض الله وجهك

رد: فيمامضى افرح بشوف الغيم واسـعاله
 

صح لسانك وصح نبضك

وصح إحساسك

مبدع ورائع

جميل في ما كتبت

تقبل مروري

رد: فيمامضى افرح بشوف الغيم واسـعاله
 

[B][COLOR="Blue"]قلنـا العـدل ميـر زادالظلـم مكيالـه
00000000000حكمه مهو حكم واحـد مذهبـه سنـي

عز الله ياخالد ان ميزان العدل

مقلوب

الله يزيل همك ويفرج لك

نص يحمل الاسى

صح لسانك يالغالي

دمت بخير[/COLOR][/B]

رد: فيمامضى افرح بشوف الغيم واسـعاله
 

قصيدة رائعة


تمنياتي القلبية لك بمزيد من النجاح والتميز

رد: فيمامضى افرح بشوف الغيم واسـعاله
 

خالد السبيعي

اولا صح لسانك على هالقصيده

الرائعه

ثانيا عشت معك من خلال قراءتي لهالنص الجميل

وماقول غير الصبر ياخالد فالحياة مليئه بالمتاعب وانا اخوك

لك التحيه والتقدير