منتديات الفطاحله - ارى ان المال في ايدين الرجال،،مع المري

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - ارى ان المال في ايدين الرجال،،مع المري (http://ftahilah.com/showthread.php?t=172393)

ارى ان المال في ايدين الرجال،،مع المري

[poem=font=",6,darkred,bold,normal" bkcolor="transparent" bkimage="" border="double,4,white" type=0 line=0 align=center use=ex num="0,black""]
ارى ان المال في ايدين الرجال = سواة السيف قصاف المتون
وقل المال عند ابن الحلال = يخلي الرجل عمره في ديون
كما ان الجاه كالظل الطويل = لونك مسكين تخشاك العيون
وارى ان الجود لو بشربة صميل = اجر وجميل ومعينٍ وعون
واشوف الطيب في اللي يعرفون = شراة سهيل للي يناظرون
كما ان اللاش يموت مغبون = ماحاش الطيب لن منزله دون
وارى ان العز عند الصامتين = وكثار الهرج تخلفها الظنون
لحيث الصمت ياذرب اليمين = وقار الرجل من هرج العفون
وارى المطلاب باقفاي الخصوم = بوجيه الرجال يوردك المنون
حيث ان لوجيه تعطى بالسلوم = ولا كلن يجي لها زبون
وكثير الخير بايام الشحاح = تنصاه الناس بايام السنون
وشجاع الناس نهار الطراح = تزهمه الضعافى والاقربون
وبر ولطف بكبار العمار = وشمطان اللحى اللي يرتكون
واخص الوالدين الهم وقار = وجزاء الاعمال باللي تصنعون
وهل العادات ذكراهم تبين = وكلن فيه حقه مايهون
ياحض اللي نشى بطاعه ودين = هذاك يجيه من الاله عون
فلا خيرٍ بمال وزود جاه = لو ان الناس وسطه يرتعون
لاقل الدين في راعيه تاه = ومرده للخساره والحزون
ياحض اللي يارد حوض الرسول = نهار الحشر من اللي ياردون
يفوز بشربة منها يطول = جنان الخلد والخاسر يهون[/poem]