منتديات الفطاحله - ياللي تنادي بحكومات ديمقراطيه

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - ياللي تنادي بحكومات ديمقراطيه (http://ftahilah.com/showthread.php?t=171928)

ياللي تنادي بحكومات ديمقراطيه

[RAMS]http://up.ftahilah.com/up/uploads/Mine/ShbhGhrbia.rm [/RAMS]

[poem=font="times new roman,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي تنادي بحكومات ديمقراطيه= ماكل شعب تناسب له مباديها
وشعب العرب اغلبه في شبه محميه= من الجهل والثقافه ما وعى فيها
واغلبه محكوم باحكامٍ قبليه = تاخذ بشرع الولي فيما يعنيها
يحتاج حاكم قوي القلب شخصيه= يحكمه بالعدل عين الله يراعيها
ومن خالف الدرب فالأحكام شرعيه= ولا اهتم في شرق او غرب بتداعيها
حكم المساواة ماهو حكم واويه = يستثني اللي يبي يومٍ يجازيها
قانون ربي ولا قانون وضعيه = امر بعدل وتساوي في مناحيها
بدين وسط لا تطرف في نواحيه= وعادات واعراف لايمكن نخليها
ومن سيس الدين لاجل اشيا ماديه= ولخدمة الخارجي لوعود يبغيها
مثله مثل من يخابر خابث النيه = يبغى التدخل بداره من اعاديها
فهذا الخيانه بدمه لعنبو حيه = يقبره حي ولا يخشى تواليها
شغله بصمت فلا إعلام مرئيه = ولا جيب له طاري بحضر وبواديها
داره بعلم وصناعه دوم مبنيه = ويعد جيشٍ قوي دوم يحميها
ورجال احرار من قوات امنيه = تنشر امان وهدوءٍ في نواحيها
واية فسادٍ يحارب بالنداويه = من كل شهم يكلف في تحريها
تتقدم الدار ماتخشى المعاديه = والشعب ينعم برفاهٍ في اراضيها[/poem]