نصيحة عاشق
 

[center][font="comic sans ms"][size="4"][color="seagreen"][color="red"][color="magenta"]بسم الله أبدأ[/color][/color]

::
ألا ياللي رميتوا رميةٍ تصعب على الرامي
سهوم ٍ من بيوت القاف مختارات و مْـنقــَّـاه

حَـوَت من نغمة الاشعار بين إظهار وإدغامي
يغني مع لحنها ساجع القمري مع الورقاه

بعد ماجاني التصريح من مندوبك السّـامي
على ردي .. عسى ردي يناوش غايته ومناه

شكيتوا واشتكيتوا من عنا دولاب الايامي
ولا كل ٍ تبي تبدي له الشكوى ولا المشكاه

يا كود اللي يحفظ من الشـيَـم عادات واحكامي
يبادلك الصراحه لا عنيت وجيت له تنصاه

زمانك لو صفا لك واجتباك اليوم ما دامي
ولو يقبل سريعه خطوته لـَ اقفى يحسب خطاه

ليالينا تمنــّـينا على صفحات الاحلامي
تعـشــِّـمنا سرابٍ زامي ٍ في يابس المضماه

ترى دنياك هذي يالبيب أرزاق واقسامي
نصيبك لو تمادت غيبته لابد ما تلقاه

وجفنك لا تفيـِّـض دمعه لعاذل ولـوَّامي
يلبسك الملامه لو صفا لك قوله و معناه

دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

[color="red"]ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه[/color]

لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه

ومن دون الوفا حالت ظلوم ٍ بحرها طامي
غمرني والتماني راس رجم ٍ ما قدرت أرقاه

نسايرها بحاضرها .. حقايقها والاوهامي
لعل الله يدبر حيرة المبلي ولا يقصاه

عسى تسفر لك ايامك وتجلي ليل الاظلامي
وتقبل لك مقابيل الليالي كيف ما تهواه

[color="magenta"]قلم عادل الدوسري[/color]
[/color][/size][/font][/center]

رد: نصيحة عاشق
 

صح لسانك ياعادل

مصافحه راقيه

لاهنت

رد: نصيحة عاشق
 

صح لسانك يا عادل

رائعه انت راعيها

جميل ماطرحته يا شاعر

قصيده فيها من العذوبة والجمال

ما يحلو لمن يهيم بين حروفها

مبدع يامبدع

تحياتي وودي

رد: نصيحة عاشق
 

بو بدر
صح السانك ملايين
رائعة وطيبه
لاهنت اخي

رد: نصيحة عاشق
 

صح لسانك يابوبدر

نص رائع


لافض فوك


ابدعت وامتعت كالعاده


تحياتي لك

رد: نصيحة عاشق
 

مبدع ورائع
رعاك الله
تحياتي لكم

رد: نصيحة عاشق
 

[font="courier new"][size="4"][color="blue"]صح لسانك وعتلى شانك
الله يعطيك العافيه
تسلم أيدك ع القصيدة الرائع
ابدعتو فاتميزتو
اقبلو مني باقات من القرنفل
بانتظارجديدك بكل شوق
ودي ووردي[/color][/size][/font]

رد: نصيحة عاشق
 

عادل الدوسري

صح لسانك

تحيتي

رد: نصيحة عاشق
 

[font=comic sans ms][size=4][color=#2e8b57]دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

[/color][/size][/font][size=4][font=comic sans ms][color=red]ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه[/color]

[/font][font=comic sans ms][color=#2e8b57]لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه[/color][/font][/size]
[font=comic sans ms][size=4][color=#2e8b57][/color][/size][/font]
[font=comic sans ms][size=4][color=#2e8b57]صح لسانك ملايين [/color][/size][/font]
[font=comic sans ms][size=4][color=#2e8b57] جزلة من شاعر متمكن [/color][/size][/font]
[font=comic sans ms][size=4][color=#2e8b57]سلمت ولاهنت[/color][/size][/font]

رد: نصيحة عاشق
 

صح لسانك شاعرنا
قصيده رائعه وابدعت
ولافض فوك يامميز