منتديات الفطاحله - ابداعية رباعيه من الشات 21/1/2013

[color="blue"]هذه البيتين الأولى اعجبتني في مكان ما وجبتها الى الشات الكتابي وكانت الردود التاليه بسببها [/color]
[poem=font="diwani letter,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أدعج غنج خده به الملح منثور =تقول بدرٍ بان بفتوق نوي (الطامي)
وعيون تذبح بالهوى كل منعور=سود ومضاليلٍ على القلب سوي) الطامي)

الظاهر انك يا المسمى بمنصور=مسحور مبطي ماهو بالسحر توي.الشويمان )
غض البصر يا شيخ منته بمجبور=وخلك بشرع الله دوام متقوي(الشويمان).
عزالله ان القلب بالحيل مخطور = ياعود لو بيدي تراني اسوي (الطامي)
ابعد ضعوني من ضعنها ورى السور = وابعد واحاذر من خلافي وتوي)الطامي)
ياللي لفانا من قطر فوق حنتور=اشوف حالك مثل ذيبٍ يعوي(الطائر)
قلبك خلي والا من البيض مغدور=يومك تنوح بصوت عالي مدوي ( الطائر)
ان كان هذا الحب لاشك معذور=تبي قرايه عند شيخ مهوي(الطائر )
يمكن يطلع من دخل فيك بسرور= والا كراعينك بربطه يلوي (الطائر)
ياللي ترد بقول وتعيد وتشور = درب بدينا به عليكم منوي (الطامي)
قلب بلا حب مسبه ومقبور = ويالله عسى قلبك مهوب متغوي ( الطامي)
ايه ونعم ياشيخ وانتو على الدور = من قبلنا جتك الغاندير توي(الطامي
اعطيتها الاقبال والبال مسرور = وسويت النا فيها مشاعل وضوي ( الطامي)
العود والطامي على وعد بلفور=لاكل ماجا واحدن جا امتلوي (فلاح)
كلن معه قاري وللبحر قرقور=وان جيت عنده قال لوي ولوي (فلاح)
لا شفت انا الطامي ونجم بن قنور=اشوف فيهم قطو دايم ينوي(الطائر)
يالله دخيلك وش قلبهم من البور= وصاروا قطاوه كل واحد يصوي (الطائر)
ياحاج ياللي جيتنا فوق بابور=غادرت موزنبيق وش لي مسوي (فلاح)
لانته بضب ولاانت فالنهر قاطور= ولا انت لاثعلب ولا ابن اوي (فلاح)
كلن يقول انه على الحب مجبور=وهم عواده مابقى ما يضوي(الطائر)
تسمع شخيره لارقد مثل بابور=وصوت المدافع من سريره يدوي(الطائر)
يانيص من ريحتك مانيب مسرور=عكرت بين الناس يانيص جوي (فلاح)
في خنشليله بين الاوطان محصور=للشر دايم محتزم وامتنوي (فلاح)
من يوم شفت انك تغازل بكارفور= وانا عرفت ان جوك ما يناسب لجوي(الطائر)[/poem]