منتديات الفطاحله - مساجلة الامير محمد السديري والشاعر عبدالله السياري الخالدي

[size=5]
[font=Courier New]شاعرين علمين من أشهر وأروع شعراء جزيرة العرب
قصيدتان في غاية الروعه والجمال مضى عليهما أكثر من ربع قرن عندما أسند الشاعر الكبير / عبدالله بن محمد السياري الخالدي هذه القصيده على الأمير والشاعر الكبير / محمد بن احمد السديري .

السياري / ( يامحمد الاحمد عشير المشاكيل )[/font][/size]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياشيخ يامفنـي المواحيـل بالحيـل=يادرع قومه وامّته وقـت الانشـاب
ياحصنها العالـي رفيـع المناويـل=من لاذ به يبعد علـى كـل طـلاب
يافزعـة المظلـوم ريـف المقاليـل=ابو اليتيم وعز مـن لالـه اقـراب
يامحمد الاحمـد عشيـر المشاكيـل=ياريف ربعـه والمسيّـر والاقـراب
وان جا نهار(ن) فيه كز المراسيـل=بيّن جموع وكلّحـن فيـه الانيـاب
تشوف ابو خالـد عقـاب الهذاليـل=من فوق قب(ن) تقحم العود موثـاب
له همّة(ن) عليـا تنـوس القناديـل=وله في اللقا صولات ابا زيد وذياب
فيما مضى يثني سريـع المحاويـل=دون الرمك لاحذّف القوم الاسـلاب
واليوم هو زيزومهـا مثـل ماقيـل=بانت عقب ضرب القنابل والاطواب
يشهد على ماقيل ماضـي الافاعيـل=من لابة(ن) تقدم الى هاب من هاب
منازلـه لاهـل الشكالـه مداهـيـل=منص(ن) لشجعان يلفون الاشنـاب
ولاينـزل الا فـي رفيـع المنازيـل=ولاحط من دونه عن الناس حجـاب
مجمّع رجال(ن) مابهم خايـع القيـل=مجلس شريف يجمع اجناب واصحاب
ياشيخ عينـي كـن فيهـا سماليـل=عن الجفون مشبحات(ن) بالاطنـاب
اسهر ودمعي مثـل وبـل الهماليـل=واقعد واقوم وكل شي(ن) له اسباب
دخلت لي مدخـال سهـل المداخيـل=ياليتني فكـرت قبـل ادخـل البـاب
وزل القدم بي وسط شرك المحابيـل=واصبحت انا مابيـن مايـح جـذاب
واسلـم ودم مـاغـردن البلابـيـل=ذخر(ن) لمن ناشه من الوقت مخلاب
واعذر وسامح واقبل العـذر تكميـل=يابو هلا ياستر غضّـات الاشبـاب
واختام ماقلتـه صـلاة(ن) بترتيـل=على نبي(ن) وضّح الحـق بكتـاب
[/poem]
[size=6]
[font=Courier New]السديري / ( يالخالدي تطري علي التعاليل )[/font][/size]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قـم يامحيسـن شـب نـار المعاميـل=صفصف عليها السمر من زين الاخشاب
وان ولّعت واستضمـرت باللهب حيـل=يجـذب سناهـا بالدجـى كـل شـرّاب
وان صرّمـت والجمـر فيهـا دحاميـل=ازرق سناها ذايـب(ن) يلهـب الهـاب
احمس عليها البـن مـن غيـر تقليـل=واحذر عواقب من هرج عايب(ن) عاب
ودقّـه ولقمّهـا وزوّد لـهـا الهـيـل=حتى يصير الكيـف طـب(ن) للالبـاب
ماها قراح وصافـي(ن) مـن شهاليـل=من وبل رايـح داجـي الغيـث نحـاب
ياحلو صبتهـا فـي بيـض الفناجيـل=لي ذاقها الممروض مـن علتـه طـاب
يالخالـدي تطـري عـلـي التعالـيـل=يوم الرقيب امعلـق(ن) تقـل مشهـاب
يوم الكواكـب مثـل لـون المشاعيـل=وعنّـا ردي الخـال يالحيـدري غـاب
جانا من العـارض كـلام(ن) بتفصيـل=من واحد(ن) يشكي من الناس عجـاب
يشكي هوا راعـي العيـون المظاليـل=وقبله اعقاب الخيل يشكي على احجـاب
ماجـور ياشاكـي هـوا نافـل الجيـل=الله يفكك مـن عنـا عكـش الاهـداب
الطيـر يشبـك بالشـرك مثـل ماقيـل=والصيد يشـرف طـارده كـل مرقـاب
إتعـب وعــد ابنايـفـات الاقـاذيـل=ويبين لك من هافي الوسـط مضـراب
حرك قـدم رجلـك الـى هـوّد الليـل=ومن بعّد الملقـاف فـي بندقـه صـاب
لازم ياخـو ناصـر تحصّـل محاصيـل=تصادف الغـرّات تفتـح لهـا ابـواب
معهـن لمـن عنّـاك تلقـا محـاويـل=ويبهج فـوادك طقـة النـاب بالنـاب
تشم بين اشفـاه بيـض(ن) معاسيـل=يكسر عليها عابد(ن) وسـط محـراب
بيض(ن) يشـادن قحْويـان الغراميـل=فيهـن دواك وداك يـاذاك الانـسـاب
يامـا مـن الخفـرات ذقنـا الغرابيـل=وياما عديت الين عرش القـدم عـاب
وياما زعجت الويـل والحقتـه الويـل=وياما دخلـت ابحـور لجـاب وغبـاب
وياما صطابي بالهـوى ظاهـد الشيـل=وياما عسفت من العماهيـج الاصعـاب
ويامـا تلوينـا بشقـر(ن) عثاكـيـل=ايضاً ولااخشى الناب من غاسق الـداب
اركض لهن لوهـن صعـاب المناويـل=وعلي مـن سمـر الحناديـس جلبـاب
اتبـع هـوا جمّـا تقـود المغـازيـل=مع صحصح(ن) تشرب هوا كل خنيـاب
عيني تعـرف الزيـن بيـن الازاويـل=وقلبي من الرثـم الخراعيـب مرعـاب
[/poem]