مندوب الجن
 

[poem=font=",7,blue,bold,normal" bkcolor="transparent" bkimage="" border="solid,4," type=2 line=0 align=center use=ex num="0,black""]
هب الشمال وغرّد الطير بطروب = وحامت على روس الجبال النوايا

اثارني لحناً على القوس مسحوب = نادى المنادي للجروح الدمايا

غنّى يقول اهل الهوى 0 قلت عذروب = للحب ناس وللخلايق مزايا

ياعاذلي واللي على البال محسوب = يكفر بعلم الشعوذه بالمرايا

ان شفت لك زيتاً على النار مسكوب = هذي ترانيم الخفوق الخفايا

ما لبّسوني جوخ لاعب وملعوب = اكسب وداد الفاتنات الصبايا

جيت اشبع عيوني محطات ودروب = لو عادت خيولي تعاب وحفايا

جيت انثر ابداعي مسرّات وطيوب = اروي شغف بيض القلوب الظمايا

جيت اغرس الزيتون بالارض منصوب = جيت ازرع الورده بقرب الركايا

جيت اعدل المعنى وهو كان مقلوب = بأيدين من يشحذ بخيلاً عطايا

جيت اثبت ان العدل للناس مرغوب = وان القصايد ذوق ماهي حمايا

حضر معي من معشر الجن مندوب = اسلم وقدّم لي قصيد وهدايا

جرير وقّع لي بيمناه مغلوب = وسقراط يرسل لي سلام وتحايا

والشنفرى غادر من الدار بهروب = ولقمان وصّاني ثمين الوصايا

اخاطب العقّال بأفكار واسلوب = ماني مكلّف بالعقول الخوايا

بعض البشر لو شفتها ما لها قلوب = الله يعلم وش تضم الحنايا

يالاعب الشطرنج خاسر ومكسوب = مامات لك جندي فقدت السرايا

مات الوزير وسيّد القصر مصلوب = قضا القضا هذا رسول المنايا

سوط العذاب اللي على الروس مصبوب = هذا نذير الحرب موت ورزايا

سر الحياة بقبض الارواح مصحوب = ما يكفي السفّاح ذبح الضحايا

ما يسلم النمرود لو قال ابا اتوب = كفراً غشى قلبه بقى له بقايا

تابوت موسى وين ماراح مطلوب = سارت على طاريه فلك ومطايا

آدم من اصلابه على الكوكب اشعوب = ما جابهم قوقل بكل الزوايا

الرابط اللي بينهم جين مكتوب = علم الاجنّه وانشطار الخلايا

كما نشوف من البشر نقص وعيوب = مثله نشوف من المكارم سجايا

شكوى الضعيف اللي على الوجه مضروب = هزّت حمورابي وسوّت سوايا

دمعة يتيماً بين الاشرار مرعوب = تقصر بها اعماراً وتكبر خطايا[/poem]

رد: مندوب الجن
 

الله الله

صح لسانك ياعبدالله

وياهلا بالجزل وراعيه

لاهنت

تقبل مروري

وتقديري

رد: مندوب الجن
 

اكثر من رائعة
تسلم اخي الكريم
تحياتي لكم

رد: مندوب الجن
 

الفاضل عبدالله المفضلي...........
قادم بقوه وبنص ناري
ممتع الحبك متقن السبك مطرب القافيه
مدجج بشواهد التاريخ ورموز الادب
مرحبا بك وبنصوصك
ولك تحيتي وودي[size="3"][color="navy"][/color][/size]

رد: مندوب الجن
 

[size="5"] الله الله يالمفضلي على هذه القصيده الشامخة شموخ كاتبها قصيده راقيه فيها اشعاعات ثقافيه وصور جماليه لا يتقنها الا شاعر متمكن. تقبل مروري ولك تحياتي [/size]

رد: مندوب الجن
 

[size="4"][color="darkslateblue"][i][b]صح لسااانك مليوون يا عبدالله

شاعر جزل و قصيده جزله

ولاهنت يالشاعر [/b][/i][/color][/size]

رد: مندوب الجن
 

رائِع أيّها الشاعر

صح قلبك وفكرك ولسانك
متمنين لك دوام الحضور والتواصل

مودتي لك

رد: مندوب الجن
 

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

رد: مندوب الجن
 

صح لسانك واعتلا شانك
وسلم بنانك وفكرك
تحياتي وتقديري

رد: مندوب الجن
 

مدد صح لسااانك شاعرنا القدير عبدالله
ابدعت حيل يامميز
ولافض فوك