منتديات الفطاحله - لا خاب ظنك في الزمن لاتجاريه(بالصوت)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - لا خاب ظنك في الزمن لاتجاريه(بالصوت) (http://ftahilah.com/showthread.php?t=15659)

لا خاب ظنك في الزمن لاتجاريه(بالصوت)

[RAMS]http://up.ftahilah.com/up/uploads/Mine/la5abLatjareeh.rm [/RAMS]

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لا خاب ظنّك في الزمن لا تجاريه = ولا تعكس التيّار يجرفك للقاع
خلك بعيد ولا تجي في محاريه = فالوقت مثل الموج في كل الاطباع
من لاحسب للمد والجزر قافيه= تلعب به الامواج ما عنه منّاع
تعمي عيون اللي توهق خطاويه= يحسبه يكفي له مجاديف وشراع
يا جاهلٍ به تشتكي من بلاويه = الوقت وقت البوم ما هوب لسباع
لا تحسب ان العلم والجهد يكفيه= لانّه يبي تلبس خلاخيل وقناع
ارفع مناحيها اذا شفت لاضيه = ربك يفرّجها على كل ملتاع
الوقت ماهو لك ولا نتَ بطاريه = يدري رفيقه من شرى الذل ما باع
اللي يلبّس ثوب جاوز عراقيه= يرفع شليله لامشى .. دوم مرواع
يا سرع ما ياقع ولا من يدانيه = عورته بانت وانكشف ذيل وكراع
واللي ثويبه كان في يوم شاريه= من دم قلبه بعد عمرٍ بالاوجاع
ما عاد ينفع لو يغسّل ويكويه = فالوقت غير الوقت في كل الاوضاع
ولوهم يبونه والبعض جهر يغليه = خوفٍ على سرٍ مع الوقت ينذاع
لا خير في ثوبٍ حرق قلب راعيه= ما عاد ينفع دام يكوي للاضلاع
خله لهم فالخير لابد قافيه = رزقك على اللي من ترجاه ما ضاع[/poem]