منتديات الفطاحله - بـــــدون عـنـــوان

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - بـــــدون عـنـــوان (http://ftahilah.com/showthread.php?t=12874)

بـــــدون عـنـــوان

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
البارحة ما طاب للعين نومها = سبة همومٍ منكفت من قدومها
كالت على نفس الشقا ما يضيمها = همٍ يعانقها والاخريهومها
لا قلت زان الوقت زادت قساوته = وذي سنة الدنيا وهاذي سلومها
تامر وتنهى والملا تحت طوعها = مستر معطاها ومشقا محرومها
يامنخدع في غيها لا تغرك = ترى ابتسامتها بداية هجومها
ياما سقت من مرها خلط حلوها = قدمك شغاميمٍ مكيدٍ لجومها
يدٍ حنون تخادع اللي جهلبها = ويدٍ تمالا لين تطلق سهومها
وانا وصلفات الليال انتزايم = مرٍ اروضها ومر امهزومها
ولا همني من لاحسبت لزريته = عساس غرة والعلا ما يرومها
يزرا علي وعيبته ما يزرها = وابوك ناسٍ دوب تلبس هدومها
اميز النظرة واقيس الضغينة = اعرف نفور الناس واعرف ريومها
ومطيتي بتوع وان حل نايبة = فجا عضود مخرماتٍ خشومها
تمسي بدارٍ عاوياتٍ سباعها = وتصبح سماها مقنفاتٍ غيومها
محنها عن كل ما يعتليبها = ادرا القصور ولو عضتها لزومها
اطا الحتوف ومبعدٍ شوح رمعتي = لاغيرت قوم السوالف عزومها
ما تنذخر قومٍ تماري بفعلها = لو شمرت وقت الرخا عن كمومها
تشدى لعود البروقة وارتكازته = تزمي ولا جاء الجد ضاعت علومها
ما يلثق ابها المدح لو ابتميدح = بورة بضاعة ما لقت من يسومها
أحدٍ هوى للطايلة واعتلتبه = صبر لرمضاها ولفحة سمومها
واحدٍ ولو بغالها ما قدرلها = صعب عليه يفك شفرة رقومها
والطيب ماهو حكر يمناً لحالها = خشرٍ لحكام البشر ومحكومها[/poem]