منتديات الفطاحله

منتديات الفطاحله (http://ftahilah.com/index.php)
-   همس القوافي للشعر النبطي (http://ftahilah.com/forumdisplay.php?f=10)
-   -   منــــــــاكبه كنــــها بشوت الطحـــاطيح (http://ftahilah.com/showthread.php?t=122542)

عناد الرواد 16-11-2011 03:08 AM

منــــــــاكبه كنــــها بشوت الطحـــاطيح
 
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


يـــا مــــل قــلــب ٍ تـطـربــه ريــحــة الـشـيــح=عــلـــى زمـــــان ٍ قـــــدّم الــطــيــب وانــــــزاح
مـــن جــــاد حــظــه نــــال طــيــب وتـمـاديــح=ومــن بــار حـظـه عـذربـوا فـيــه ثـــم طـــاح
واقــــــع نـعـيــشــه بـــيـــن هـــــــم ٍ وتــجــريـــح=ولا بـــه أحـــد مـــن تــالــي الــوقــت مــرتــاح
لا وآهــنـــا الــلـــي مـســعــد الــبـــال ومــريـــح=الـــلــــي يـــــــذوق الـــنــــوم وايـــامــــه امــــــــلاح
ضـاقــت عـلــي افجـوجـهـا والصـحـاصـيـح=وفـــريـــت افـــكــــاري كـــمــــا فـــــــرّ مــســبـــاح
كــنــي ظــمــاوي يـمـشــي الــــدرب ويـطــيــح=الــمـــوج جـرفــنــي عـــلـــى خــمــســة الــــــواح
يــــا طــيـــر يــلـــي مـــــا تــعـــرف الـمــلاويــح=لا تــوحـــي الـتـعـلــوم يــــــا صــــــرت ذبــــــاح
يــابـــومـــنـــاكـــب والـــــمـــــوامـــــي مـــنــــاقــــيــــح=شـبــح ولــــك هـيـبــه عــلــى كــــل الاشــبــاح
جـــثــــل الــثـــنـــادي والــمــخــالــب طــــواريــــح=عــريــض كـــــف ولــبـــرق الــريـــش بــطـــاح
مــنــاكــبــه كــنـــهـــا بــــشـــــوت الـطــحــاطــيــح=وعيـنـه صـلـيـب ودرع واسـيــوف وارمـــاح
صيـدك مـن الـجـزلات مــع فـجّـة الضـيـح=مـاهـيـب صـفّــة ريـــش فــــي راس مــلــواح
افـــجـــح جــلــيــل يـــشــــرّح الـــربــــد تــشــريـــح=رمــــــح الــرديــنــي فــــــي مـخـالــبــك جــــــراّح
لـــــطّـــــام حـــــطّـــــام ٍ بـــعـــيــــد الـــمــــراويــــح=بـــالـــجـــو لـــــحّـــــاق ٍ وبـــالـــقــــاع نـــــطّـــــاح
تــخــمـــهـــن خــــــــــم الـــســـيــــوف الـــذوابـــيــــح=واتــخـــضـــب الــكــفــيـــن والـــــــــدم مـــنـــســـاح
ابـــيـــض نـــحـــر يــشّــبــح الـــكـــف تـشــبــيــح=عــلــيــه بـــشـــت الــثــلــج مـــدقـــوق بـــوشـــاح
عـيـنـه جـمــر يـوّضــح الــشــوف تـوضـيــح=رادار لــلــمــبــعـــد كـــــمــــــا الـــــبــــــرق لا لاح
لا هـــد أخـــذ هـالـربـد مـــن عـقــب تـمـريـح=ضـافــي شـلـيـل امـســرول الــســاق جــــراح
بــــــرق الـــدواغـــر فــــــي يـمـيــنــه مـســابــيــح=هــيـــبـــه تــــقــــل صــــــــدام لاقــــــــام يــجـــتـــاح
حــــــوّاش عـــمّــــاش ٍ بــعــيـــد الـمــشــاويــح=ومـــــــن كــــثــــر مــاحـــبـــه مــســمــيــه درداح
يــــــا زيــــــن هــــــده عـــقـــب رش الــمــراويــح=فــــي خــايــع ٍ لـلـصـيـد مــــا جــــاه طــــرّاح
هــــــــداّف دوري دون ركــــــــلاّت تـــرجـــيـــح=صــعـــوط ٍ امـهــبّــل لـلـطـوالـيــع صــــــدّاح
فـــــــرخ ٍ عـــديــــم ولا يــــعــــرف الــتــبــاريــح=الـــلـــي مـشــاويــلــه تـــقــــل نـــــــار واســـــــلاح
يـاطـيــر خـلـيـتـك عــلـــى مـجــرهــد الـســيــح=الـسـبـق مـلــك وانــــت مــــا عــــدت مــرتــاح
ارقــــــا عـــلـــى روس الـــحـــزوم الـمــلافــيــح=عفتـك بـعـد ماشـفـت فـيـك الـحـزن صــاح
مـــن يــــوم شـفـتــك فــــي اديــــن المـشـافـيـح=تــفــشــخــروبــك وانـــقــــلــــك كـــــــــــل مـــــــــــزّاح
ارخـــــــوم يــخــشـــون الــفــلـــس والــزحــازيـــح=قــطــاعــة الارحــــــام يــــــا جـعـلــهــا الـــمــــاح
قــــــلّابـــــــة الــــنـــــيّـــــات شـــــــرّابـــــــة الــــقـــــيـــــح=أكــــاّلـــــة الـــمـــيّـــت مــنــاكــيـــف واشـــــحـــــاح
الـلـي لـهــم عـنــد اهـــل الـبـشـوت تـصـريـح=اكـــلاب سـفــره تـطـحــن الـعـظــم لا طــــاح
يـاطــيــر شــفــنــي طــــــاوي الــبــيــد والـــريـــح=اســــــري مــــــع الـنـجــمــات والـــهـــم ســــــراح
أســــــآهــــــر ادلالــــــــــــي و اردّ الـــمـــفـــاويـــح=عــــل ّ الــــدلال اتــفـــوح والــبـــال يـنــســاح
الـــهـــيـــل والــمــســمـــار فــــوقـــــه مــطــافـــيـــح=كيف ٍ جديد ٍ ما حلى الكيف لا فاح
فــــــي لــيــلــة ٍ فــيــهــا الــنــجــوم الـمـدابــيــح=فــي قـفــرة ٍ تـسـمـع بـهــا الـذيــب لاجـــاح
اخـمـيــعــة ٍ عـــنـــدي تـــســـاوي مـفــاطــيــح=وشــــويـــــة ٍ لــلــصــيـــد مـــاتـــبـــرح ابـــــــــراح
يــــا مــــا ريـاجــيــل ٍ عــلـــى هــبّـــة الــريـــح=راحــــوا وطــــي بـالـقــاع فــرتــاح يــاصــاااح
مـــاكــــل رجــــــــل ٍ تـحـســبــونــه شــلــيــويــح=الــــعــــيـــــب بــــالــــرجـــــال لا زاد مـــــــــــــا راح
اكـــذب دمـــوع ٍ هــــي دمــــوع التـمـاسـيـح=وانـــا دمــوعــي اهــمــوم وآهــــات واجــــراح
اضــحــك واجــامـــل لـودمــوعــي مـسـافـيــح=واكــتـــم وجـــــع قـلــبــي سـكـاكـيــن وارمـــــاح
مـن خـوف لا يـدرون نــاس ٍ مفاضـيـح=تـصـبــح هـمـومــي عـنـدهــم عــيــد وافــــراح
ويــامــل قــلــب ٍ تـطــربــه ريــحـــة الـشــيــح=عــلـــى زمـــــان ٍ قـــــدّم الــطــيــب وانــــــزاح[/poem]

سمّار 16-11-2011 03:16 AM

رد: منــــــــاكبه كنــــها بشوت الطحـــ
 
الله الله ياعناد الروادصح قلبك عساني ما اعدمك
رحلة ماتعه في هذه القصيدة الفارعه
هنا الشعر كله هنا الاصالة كلها هنا المقناص هنا الكيف هنا الوصف هنا الكلمه والشطر والبيت والقصيده

صحّ لسانك وقلبك
ولاهنت يالجزل يالفصيح يالاصيل على هذه الباذخة الفارهة
تقبل مروري واعتذر عن تقصيري ولك شكري وتقديري

الخنساء 16-11-2011 04:19 AM

رد: منــــــــاكبه كنــــها بشوت الطحـــ
 
صح لسانك مليوووووووووون ولا يكفون

قصيدجزلة من شاعر متنكن

سلمت ودام حرف

منيع 16-11-2011 06:05 AM

رد: منــــــــاكبه كنــــها بشوت الطحـــ
 
مبدع وجزل
رعاك الله
ودي وتقديري

الطائر المهاجر 16-11-2011 07:21 AM

رد: منــــــــاكبه كنــــها بشوت الطحـــ
 
[color="darkred"][size="5"][font="arial"]
جزله من راس جزل
صح لسانك واعتلى شأنك
ولاهنت
تحيتي واحترامي
[/font][/size][/color]

سناعيس 16-11-2011 07:47 AM

رد: منــــــــاكبه كنــــها بشوت الطحـــ
 
صح لسانك وبيض الله وجهك
قصيدة جزله من شاعر جزل
لاهنت

تحياتي

الطامي 16-11-2011 08:33 AM

رد: منــــــــاكبه كنــــها بشوت الطحـــ
 
ياطير خليتك على مجرهـد السيـح
السبق ملك وانت ما عـدت مرتـاح
ارقا على روس الحـزوم الملافيـح
عفتك بعد ماشفت فيك الحزن صـاح
من يوم شفتك فـي اديـن المشافيـح
تفشخروبـك وانقلـك كـل مــزّاح
ارخوم يخشون الفلـس والزحازيـح
قطاعة الارحام يـا جعلهـا المـاح
قلّابـة النـيّـات شـرّابـة القـيـح
أكاّلـة الميّـت مناكيـف واشحـاح
اللي لهم عند اهل البشوت تصريـح
اكلاب سفره تطحن العظم لا طـاح
،،،،،،،،،،،،،،،،،،،،،،
الرواد
صح السانك ملايين
كلام واقعي الله يخارجنا من صقارين هذا الوقت
شكرالك

روح الشعر 16-11-2011 08:43 AM

رد: منــــــــاكبه كنــــها بشوت الطحـــ
 
صح لسانك ياعناد

جزله من جزل

لا هنت على طرحك

داعي الشوق 16-11-2011 08:51 AM

رد: منــــــــاكبه كنــــها بشوت الطحـــ
 
[size=4][color=royalblue]سلمت وصح لسانك مليوون ولاهنت [/color][/size]
[size=4][color=royalblue][/color][/size]
[size=4][color=royalblue]ابداع شاعر جزل [/color][/size]
[size=4][color=royalblue][/color][/size]
[size=4][color=royalblue] معنى و مبنى [/color][/size]
[size=4][color=royalblue][/color][/size]
[size=4][color=royalblue] صح لسانك مع التقدير لك اخي عناد[/color][/size]

فارس القوافي 16-11-2011 09:38 AM

رد: منــــــــاكبه كنــــها بشوت الطحـــ
 
الله الله ياعناد

صح لسانك ولاهنت

يعطيك العافية

وافيه من وافي

دمت بخير


الساعة الآن 09:53 PM.

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة