الأوضاع السياسيه
 

[b][center][size="3"]السلام عليكم ورحمة الله وبركاته

هذي قصيده عن الأوضاع السياسيه الحاصله في بعض الدول العربيه



[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا البارحه مشغول من كثرة التفكير=ولايشغل الواحد سوى كثرة أفكاره

وترى مايعومس خاطري غير شي ٍ غير=يخلّيني آسف له والأعصاب منهاره

وبعض المواقف دونها يقصر التعبير=ومن يعتبر يدري ان الأيام دوّاره

أحسب العرب في خير لكن وين الخير=مادام ان بعض شعوب الأوطان ثوّاره

وكل ٍ يبي اسقاط النظام ويبي التحرير=ومن اللي حصل كل ٍ يبي ياخذ بثاره

هذا حاكم ٍ فاسق هذا حاكم ٍ شرّير=وهذا حاكم ماجت ملايينه تجاره

وفلسطين خلّوها لأوباما وأخوه بلير=وجيش اليهود يلحّق الغاره الغاره

وصدّام ضحّوابه ضحى العيد لاتأخير=بدون احترام لدين الإسلام وإشعاره

بعد جاك زين العابدين بعماه مغير=وعلى شعب تونس شدّد الخاين حصاره

وثاروا عليه الشعب عود ومره واصغير=ومن خان خانه جيشه وباقي أنصاره

وحاول بدهن السير لكن عيّا السير=وأراد الله إنّه ينحشر في عقر داره

وبعد شاف شعبه يرفع الصوت بالتكبير=مافكّر يهج ألاّ على متن طيّاره

وحسني مبارك وسط سجنه تقول بعير=بعد مااطرحوه القوم لفّوه بهجاره

وخلّوه يبصم بالأصابع على التقرير=على مافعل فأرض الكنانه كما الفاره

ولاهمّهم وضعه لو إنه على السرير=ولو تظهر صورّه ولو تنشر أخباره

ومعمّر يحسب انه مع الوقت مثل الزير=ويحسب ان مايبغى يجي رهن الإشاره

وتواجه مع الثوّار بالقصف والتدمير=وبعد فوق ست أشهر معمّر طفت ناره

وفي سرت وقّف وانتهى معه خط السير=ولاأحدن هقى ان نهايته وسط عبّاره

وجيش التحالف ينشر الكفر والتنصير=ومعروف ميراده ومعروف مصداره

يبي ينهب الخيرات من ليبيا وينير=ويبي الغاز والفولاذ والنفط وآباره

وعلي صالح الله يصلحه ناشه التفجير=ولو طاع ماحطوه ربعه كما الشاره

ومع انه تشلوط بالقذيفه تقول طوير=على العرش متمسك بيمناه ويساره

وذا جاد ظني جاك الى المملكه تصدير=ولافيه غير التونسي ساكنن جاره

وبشار شعبه بالمطالب يبي التطوير=ومن كان شرّه سيل خيره بقطّاره

وعلى الشعب الأعزل قام جيشه يدق الزير=ومن كثر قتلاهم مالـ ِ الناس قبّاره

وبعد بلغوه الربع بالوضع من تحذير=عميل الإيراني رز عنقه ومنقاره

يحسب ان نجاد الرافضي عنده التدبير=وهو تالي الأيام لإيران معباره

ومن كان مثله ودّك يحاكم بتعزير=على شان يلقى ماتقدّم من أشراره

ولو كل طاغي يسقط يحط له تشهير=لقيت العرب كل ٍ يحافظ على أسراره[/poem][/size][/center][/b]

رد: الأوضاع السياسيه
 

فعولن مفاعيلن فعولن مفاعيلن

بحر جميل
منطق وقوة مفردات
اسلوب طيب
صح لسانك لا هنت

رد: الأوضاع السياسيه
 

صح الله السانك يالجزل

قصيده على الجرح يالذيب

رد: الأوضاع السياسيه
 

صح لسانك مليوووون
قصيدة جزلة من شاعر متمكن

سلمت ودام حرفك

رد: الأوضاع السياسيه
 

[quote=عمر ال شيبي;1499887]فعولن مفاعيلن فعولن مفاعيلن

بحر جميل
منطق وقوة مفردات
اسلوب طيب
صح لسانك لا هنت[/quote]

الجميل مرورك طال عمرك

صح بدنك

ومشكور



,,,

رد: الأوضاع السياسيه
 

[size=4][color=darkslateblue]صح لسانك يا ناصر [/color][/size]
[size=4][color=darkslateblue][/color][/size]
[size=4][color=darkslateblue] و الحمدلله على السلامه [/color][/size]
[size=4][color=darkslateblue][/color][/size]
[size=4][color=darkslateblue] و الله يصلح الحال و يعز الاسلام و المسلمين[/color][/size]
[size=4][color=darkslateblue][/color][/size]
[size=4][color=darkslateblue] ولاهنت يالشاعر [/color][/size]
[size=4][color=darkslateblue][/color][/size]
[size=4][color=darkslateblue] وصح لسانك[/color][/size]

رد: الأوضاع السياسيه
 

[size=5][color=seagreen]صح لسانك يا ناصر

و الحمدلله على السلامه

و الله يصلح الحال و يعز الاسلام و المسلمين

ولاهنت يالشاعر

وصح لسانك ودمت شاعرا مبدعا [/color][/size]
[size=5][color=#2e8b57][/color][/size]
[size=5][color=#2e8b57]وقدوة حسنة في الادب والادبا اعجابي واحترامي لك[/color][/size]

رد: الأوضاع السياسيه
 

جزل ومبدع
ودي وتقديري

رد: الأوضاع السياسيه
 

صح لسانك شاعرنا ناصر

و الحمدلله على السلامه

و الله يصلح الحال و يعز الاسلام و المسلمين

ولاهنت يالشاعر
قصيدة جزله ومعبره ...روعة وابداع وانا اخوك
وصح لسانك

رد: الأوضاع السياسيه
 

صح لسانك ياناصر

تصوير رائع لحال الامه المتعثر

لاهنت

تقبل مروري

وتقديري