منتديات الفطاحله - بنــــــــــود المــــــرجـــــلـه

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - بنــــــــــود المــــــرجـــــلـه (http://ftahilah.com/showthread.php?t=11784)

بنــــــــــود المــــــرجـــــلـه

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامن لكسب الطيبه ينهقابك = لا تستثيرك هرجة اللي يعذربك
ضيّع طريق المرجله والتهابك = يمشي بلا مذهب ويشذب ابمذهبك
لا تنشحن به لو شناك وحكابك = تقصر يدينه ما تجي عند شاربك
ارفع عن الدانين حضرة جنابك = ليا رميت من اعترض قل مزهبك
اترك زبون الهرج فكر بمابك = لو عال غيرك ما نقص من مرتبك
اصحى على اية شي تركز حرابك = يعمي الكحل عينك وتشقى ركايبك
قيس الامور بعرف واتقن حسابك = وليا غديت الدرب لد لتجاربك
لن مغتنمت المرجله في شبابك = لا شبت لو ترومها ما تصاحبك
شاور ليامن الطريق التوابك = ما بالمشوره عيب جهلك يعيبك
عليك باللي لنهزعت اعتلابك = يرفأ خمالك مخلبه ما تقاضبك
وخل الرخا من يمته صك بابك = بعده نجاحٍ لك وقربه يرسبك
ما ينفعك كان المسير انتحابك = ياخذ لزومه وانت ما شاف مطلبك
وارض بنصيبك لو دهرك اغتذابك = ترى القناعه راس مالك ومكسبك
والكذب حذرا لا يجي في خطابك = من شان ما بكره منقّد يكذبك
تصغر بعين اللي منوّل يهابك = وتصبح تحت شرهة رفيقك وصاحبك
ليا هرجت اهرج وثمن جوابك = احسب لزرايٍ دليّه تجاذبك
بالك لمن يازن خطاك وصوابك = يفرق لدبجك من عذوبة مشاربك
ساكت وفكره باعبك واشترابك = وانته تظن انه ما وايق بمرقبك
عبرت عن ما في ضميرٍ شقابك = وانته تخيّر واتبع اللي يناسبك[/poem]