السلام عليكم
 

السلام عليكم ومساء الخير
اعضاءمنتديات الفطاحله

اخواني الشعراء

القصايد اللي بالاطفال الصغار

ممكن احد يكتب لي قصيده بطفل

ربي يخليكم

وىسفه اذا الموضوع مزعج وفي غير قسمه

بس الصراحه مدري وين احطه ؟؟

وآسفه مره ثانيه

وعليكم السلام ورحمة الله وبركاته

يامرحبااا اختي

وان شاءالله اخواني الشعار مايقصرون

هلا ومرحبا بك
ينبغي ان تكتبين ما تريدين ان يقال لهم او عنهم تحريرا مع تحديد السن
ليستطيع الشعار ترجمة كلامك إلى شعر ..
تحياتي

امل من الاخوان المشرفين
رفع الموضوع الى قسم مساجلات ومسابقات
حيث المكان الانسب لهذا الطلب
تحياتي وتقديري

اخوي محمد

اخوي المشرف العام عثمان العبدالله

اخوي عمر

ربي يخليكم ماقصرتوا

والله انا مدري جديده على المنتدى وآسفه اني حطيت الموضوع هنا

الطفل عمره سنه ونصف تقريبا واسمه عبدالاه

والله يسعد من يكتب القصيده فيه

والف شكر لكم

اختكم بنت السعوديه

واحلالاه اني اعرف اقصد تسان والله لاقول أنا القصيده لتس يابنت السعوديه
بس تخبرين العين بصيره واليد قصيره مير الشعراء هنا لعلهم يفطنون لتس ويقولون بالطفل قصيده

طيب عمره سنة ونصف!
يبي له شبه طقطوقه خفيفه ذات ايقاع موسيقي هادئ
لأنه في هذه السن لن يفهم ما يقال له .... مثل هذه الطقطوقة
الخفيفة اما لتهيئته للنوم ، او تشجيعه على المشي ، او لإظهار
غلاه ليفهمها الكبار أكثر ، وربما يذكر بها اذا كبر . فأيها
ترغبين .

السلام عليكم

اخوي عثمان

ماقصرت الله يعطيك العافيه وربي يخليك

صدقت هو ماراح يفهم اللي يكتب عنه

والاختيار هو

إظهار
غلاه ليفهمها الكبار أكثر ، وربما يذكر بها اذا كبر هو المطلوب

والله يسعدك اخوي ويخليك

مشكوره ياريما ياقلبي

ماتقصرين الله يسعدك

ماذكرتي اسمه ، ووش لاحظتي الشئ اللي يغليه أكثر
وقد يميزه عن غيره ممن هم بنفس السن ؟

ابشري جابها لك ابو عبدالله مقورعه مليانه ماعليها زود
بس حنا ننتظر نشرها علشان نتعلم ومنستمتع
الله يجعله قرة عيون والديه وان ينفع به دينه ووطنه ومجتمعه واهله
آآآآآآآآآآآميييييييييييين

[quote=أبوأنس]ابشري جابها لك ابو عبدالله مقورعه مليانه ماعليها زود
بس حنا ننتظر نشرها علشان نتعلم ومنستمتع
الله يجعله قرة عيون والديه وان ينفع به دينه ووطنه ومجتمعه واهله
آآآآآآآآآآآميييييييييييين[/quote]

آمين الله يسمع منك اخوي أبو انس

ومشكوووور اخوي عثمان الله يسعدك اسمه عبدالاه

واللي يميزه البراءه والروح المرحه

لعلي القى فرصه واكون مروق فيها واكتب ما اعتقد انه ملائم

مشكور اخوي عثمان وماتقصر

الله يسعدك

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياحبي الله ياحبي الله ياحبي الله = عبادي لاضحك والله ياحبي الله
عبادي النور في ليلي وقنديله = عبادي الكون والدنيا يساويها[/poem]

هذا اللي طلع معي هالحين
لو لقيت فرصة رايح ازيدها

تمنيت انها اطول من كذا

وعاذرتك اخوي عثمان انك منشغل وربي

السؤال هل ترغبين هذا النوع من الأناشيد
ام ترغبين بقصيدة بمعنى الكلمة ؟

ياهلا فيك اخوي عثمان

اول شي معليش اتعبتك معي اخوي

وانا والله مدري غشيمه شوي اعذرني

ابي قصيده عايديه مدح في براءته

اولا آسف على التطفل واقتحام هذا المضمار وقد استعد له معلمي ابو عبد الله اللذي لاشك انه سيبدع ويتفوق لولا ظروف انشغاله التي لاتخفى على الجميع.
ومما جرأني على التطفل هو ما رأيته من عجلة والحاح من قبل الأخت السعوديه ورغبتها في الإنجاز السريع وقد يكون لمناسبة سعيده.
فعذرا على التطفل .وتبقى مشاركه قد لاترقى للمأمول وتبقى مشاركة ابي عبدالله منتظرة ومطلوبه
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
جيت ياعبّود و الله قد كتب لي=من حظوظي اني اسعد والتقيك
يافنار الدار حظي قد ضحك لي=كلما اشوفك واقبّل وجنتيك
معجم حروفك صعب ماهوب سهلي=لانطقت انساب لحن(ن)بشْفتيك
لو تغاغي او تناغي او تللّي=لازم آقف واستمع وانصت إليك
لازم آفك الرموز بكل حلّي=وا تعرّف طلبتك واركض واجيك
في فراشك كنك البدر المطلّي=واذكر الله كل ما طلّوا عليك
فيك في الخدين غمّاز(ن)يسلّي=لاضحكت اضحك واناظر واحتريك
ياملاك(ن)في فؤادي مسفهلي=مالك(ن) عقلي وروحي واحتميك
جعل ربي يحفظك من كل زلّي=يكمّلك بالعقل ويهني ذويك[/poem]

لاهنت يا ابو انس
كفيت ووفيت
ولاهيب لاقية احسن من هالقصيدة الطيبة في عبدالله
ومن شاعر كبير بحجم ابو انس
فجزاك الله خير
تحياتي الطيبة

يارب تسعدكم كلكم

اخوي ابو أنس واخوي عثمان

والله ماقصرتم يانشاما عسى اعماركم طويله

والله فرحتوني بهالقصيده الحلوه

مشكوووووووورين ومدري وش اقول من الفرحه

اختكم بالله بنت السعوديه