منتديات الفطاحله - من دونه أدعس فوق هامات وخشوم

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - من دونه أدعس فوق هامات وخشوم (http://ftahilah.com/showthread.php?t=22707)

من دونه أدعس فوق هامات وخشوم

[color=#930404][size=5]هذي سببها من يحرف في قصيدي ويقول إن شجاع يقصد فلان وفلان ويروج الدعايات أنا أقول القصيدة تعالج وضع معيّن ومن إلتقفها يستاهلها ومن يشوف إنها تنطبق عليه بعد يستاهلها ولايهشر إلا منحوزه[/size][/color]

[poem=font="Simplified Arabic,5,#05065E,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مازاف عشب الوسم وأمطر سحابه=وبرق ٍ لمع في داجي الليل ونجوم
وماغرّد القمري بصوت ٍ لعابه=ومارف بالجنحان في الجو ويحوم
الحمدلله عد وبل ٍ رمابه=غيم ٍ من المنشا على الأرض معموم
رب ٍ رفع ذكري عطا من جنابه=ذكر ٍ على كبود المعادين مسموم
يافلان لي حسدان ربع وقرابه=ومالد شوفي في عقاقيب ورخوم
مكدر ٍ ذكري غذاه وشرابه=ومن طولتي بيموت واللاش مهموم
عزيل من وقت الشدايد غزابه=وقت الهدد خسران يامطلق البوم
اللي سمعته يوم علمه حكابه=علمه مثل فأس ٍ من العرن مثلوم
لابارك الله بالردا ومن مشابه=بلاه ماجالس مطاليق وقروم
روابع الحرمه وفكره تشابه=وتفرق عليه اللي من أمثاله تشوم
يخسا ويقطع لايطوّل جوابه=التيخ قربه مثل من يقرب الثوم
طيبي مع الظفران كل ٍ درابه=مع يام والغلباوقـحـطان وبقوم
وشهران وأكلب مع قبايل عتابه=وربع الدويش وكل مطلق وشغموم
وألاد حارث والدواسر ومابه=قبايل إلا لي بهم وصل وسلوم
وشمر وعبس متيهين الطلابه=وخيّالة العوجا حجا كل مضيوم
يقوله اللي كل ضلع ٍ رقابه=يرقا بفعله والنبا كل مزموم
وفي قلب خصمي لي مكان ومهابه=والكفو في قلبي له القدر مضموم
ماهوب من عرفه على حد بابه=ومن كبر زوله يحسبه باشة الروم
وأعلن شجاع يقول هذا جوابه=وعساه يفهم يقصر الشرح وعلوم
عدلت قافك يوم جنّب صوابه=وكل ٍ من المعنى له لحاف وهدوم
واللي قصد في هرجه اللي مشابه=هذاك كفو وشيخ واللاش مهموم
لوكان أنا وياه مابه رحابه=ماحد ٍ من الزلات محمي ومعصوم
ما أرضى عليه السّب ولا الحرابه=من دونه أدعس فوق هامات وخشوم
يقوله اللي الفعل وفا جوابه=ماهوب هدّار ٍ ولا يقدر يقوم[/poem]