منتديات الفطاحله - الراس شاب وقلبي اليوم ماشاب

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - الراس شاب وقلبي اليوم ماشاب (http://ftahilah.com/showthread.php?t=18591)

الطائر المهاجر

23-01-2008 06:19 AM

الراس شاب وقلبي اليوم ماشاب

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الراس شاب وقلبي اليوم ماشاب = كني شبابٍ ما تعدى الثلاثين
لا من نصحته مفتهم لي ولا تاب = مفتون في شوف العذارى المزايين
يفز كالحاقول لاشاف له داب = ودّه يطير ولا نبت له جناحين
مدري متى يركد قبل يوم ينصاب = ويغرق ببحرٍ خادعٍ للمحبين
وتْجيه غارات النواعس والاهداب = تاخذه معها مادرى تاخذه وين
مرٍه اقول انه يبي عسف وعتاب= ومرٍه اقول الحق معه ابراهين
فمن لايحب الزين من عكف الاشناب= ماهوب حي ولو يعمّر مدى سنين
وطاوعت قلبي لكن الظن ما خاب= ادري خفيّف لا لقى داعج العين
ليلة خميس وشاف من يفتح الباب= ظبيٍ بنور البدر في ليل تشرين
غضٍ غضيض الطرف من عال الانساب= مانيب حوله لو ملكت الملايين
قرّبت حول الباب والقيت ترحاب = واقعد على الزلفه وهي ترقب الشين
عودٍ نحيلٍ من نظر له فلا ارتاب= شوفه قليل وماتعدى الحجاجين
عطشان ما به حيل من كثر الاتعاب = من يكسب اجره مالقى عضد ومْعين
قالت غريب وقلت من ضمن الاغراب= قالت تفضل راجعه من بعد حين
وادخل واوقف انتظر عال الارتاب = والبس درابيلي لعل اكشف الزين
وجتني تبادح كنها كاعب اتراب = والعطر يسبقها بورد ورياحين
وجسمٍ شبه عاري فلا ستر وحجاب=يوم اقربت وثري عمى القلب والعين
اعجيّز شمطاء بها الفكر يرتاب = لو شافها الشيطان قال الهرب وين
تحلق شنبها والفناخر كالابواب = خدامة جتنا من اقصى الفلبين
وانحاش منها مثل من تلحقه داب = لاعاده الله قلبٍ اخضر على لين
من طاع قلبه علته مالها اطباب= إلا بعقلٍ يحكمه منهج الدين [/poem]

العيناء العامريه

23-01-2008 06:32 AM

رد: العود راح وطي

يسعدني اكون اول القارئات ......

صح لسانك ....... ماشاء الله مبدع و تخطيت حدود ابداع الازمنه و الاكوان.......

دمت لنا بالف خير

الطامي

23-01-2008 07:37 AM

رد: العود راح وطي

يسعدني اكون الثاني
الابسالك هذي من ايام الشباب والا والا
صح السانك

بتار/محمد الحربي

23-01-2008 08:10 AM

رد على: العود راح وطي

فمن لايحب الزين من عكف الاشنـاب
ماهوب حي ولو يعمّـر مـدى سنيـن

إبداااااع ياابوعبدالله

ماشاء الله القلب خضر

صح لسانك مدد بلا عدد

[u]إحترامي[/u]

محمد الأحمري

23-01-2008 09:38 AM

رد: العود راح وطي

هههههههههههههههههههه
صح لساااااااااانك مليووووون ولا يكفون
ياغالي
والله جزلة وجميلة ورائعة ومضحكه
ولكن عندي تعليق؟؟؟

استاذي الكبير
الحب ..
والشوق ..
والهيام..

مايعرف ولا يرحم كبير وصغير
وعمر الولع ماله دخل في العمر

ناس اعمارهم كبيره وقلوبهم خضراء
تحن وتتولع وتحب
ولو الحب بشكال ورسوم ماكان فيه حب اصلاً

والكلام هذا مو موجه لك
فأنت شاب وروحك خضراء
والله نضحك ونسعد بما ترسمه هنا

يا الطائر اقلوبنا اليوم معذورة=شي(ن) يليج داخل القلب مانام
الزين لقبل او تبادى حضوره=كاالطير كافخ لاشكى عود اوحام
هذا انت دكتورٍتبي طب تكتوره=تسهر تداري قلب رطبٍ وهيّام

الطائر المهاجر

23-01-2008 09:42 AM

رد: العود راح وطي

مايهرول الذيب عبث يامحمد
الهدف من القصيدة واضح
لاهنت

فهدالمطلق

23-01-2008 10:52 AM

رد: العود راح وطي

صح لسانك يالمهاجر

تسلم على هالابيات الجميله

لو ان الحظ لك عليه

بس قصيده رائعه لاهنت

تحياتي

إستبرق

23-01-2008 10:58 AM

رد: العود راح وطي

[size=4]من طاع قلبـه علتـه مالهـا اطبـاب
[COLOR="magenta"].. .. [/COLOR]إلا بعقـلٍ يحكمـه منـهـج الـديـن

قصيــدة [COLOR="DarkOrchid"]هــآدفــة[/COLOR] تحمــل بيــن طيـآتهـآ الكــثيــر مــن [COLOR="Magenta"]الـروعــة[/COLOR] ..

هـكـذآ أنــت أيهـآ الـمهـآجــر [COLOR="Magenta"]للــرقــي[/COLOR] .. دومـآ رآقيــآ بفكــركـ [COLOR="darkorchid"]وطـرحـكـ[/COLOR] وبـوحكـ

صـح لسـآنـكـ .. ودآمـ إحســآســكـ ..

[COLOR="magenta"]وعـآفـآكـ آلــرحمـــن[/COLOR] ..

آرق التحـآيآ..

[COLOR="Magenta"]إستبرق[/COLOR][/size]

ابومياس

23-01-2008 11:31 AM

رد: العود راح وطي

[B][COLOR="Blue"]تحلـق شنبهـا والفناخـر كالابـواب
000000000000خدامـة جتنـا مـن اقصـى الفلبيـن
وانحاش منها مثـل مـن تلحقـه داب
00000000000لاعاده الله قلـبٍ اخضـر علـى ليـن

الله يعينك

الشوف شجر والقلب خضر

ابو عبدالله انت ممتع

في نسج الحروف وتحويلها الى قالب

ساخر يناقش موضوع هادف

صح لسانك ودام راسك

دمت بخير[/COLOR][/B]

مبارك أبوظهير

23-01-2008 11:32 AM

رد: العود راح وطي

منت هين ياالعود

:)

صح لسانك .. وقواك الله

أبدعت لاهنت

مبارك

ماجد المهدي

23-01-2008 12:48 PM

رد على: العود راح وطي

صح لسانك يا ابو عبدالله

قصيدة جزله ولها هدف ومعانيها قوية كقوتك وشموخك

تحياتي لك

ماجد المهدي

الأمل بالله كبير

23-01-2008 12:54 PM

رد: العود راح وطي

[align=center][color=#8B0000][font=Arial Black][size=4]من طاع قلبـه علتـه مالهـا اطبـاب
إلا بعقـلٍ يحكمـه منـهـج الـديـن[/size][/font][/color][/align]

[align=center]
[color=#800080][font=Arial Black] [size=4].
.
صح لســانك
ماشالله إبداع بصراحه
قصيــدة قمة بالروعه وطريفه
كل الشكر لك
دمت بخير[/size][/font][/color][/align]

خالد الحصني

23-01-2008 12:57 PM

رد: العود راح وطي

اعجيّز شمطـاء بهـا الفكـر يرتـاب
لو شافها الشيطان قـال الهـرب ويـن
تحلـق شنبهـا والفناخـر كالابـواب
خدامـة جتنـا مـن اقصـى الفلبيـن
وانحاش منها مثـل مـن تلحقـه داب
لاعاده الله قلـبٍ اخضـر علـى ليـن
من طاع قلبـه علتـه مالهـا اطبـاب
إلا بعقـلٍ يحكمـه منـهـج الـديـن

ابو عبدالله صح السانك

قصيده جميله صح السانك ولا هنت

صوت الإحساس

23-01-2008 02:06 PM

رد: العود راح وطي

[glow1=330000][size=8][color=#FFFFFF]روعة[/color][/size][/glow1]

[glow1=FF6600][size=8][color=#FF1493]وجمال [/color][/size][/glow1]

و

[blink][color=#FF0000][size=9]هنا [/size][/color][/blink]

[size=6][color=#000000]وصفة سحرية إي والله[/color][/size]

[poem=font="Tahoma,6,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
من طاع قلبـه علتـه مالهـا اطبـاب = إلا بعقـلٍ يحكمـه منـهـج الـديـن [/poem]

منيع	23-01-2008 02:34 PM

رد: العود راح وطي

[quote]تـحـلـق شنـبـهـا والـفـنـاخـر كــالابــواب
خـدامــة جـتـنـا مـــن اقــصــى الفـلـبـيـن[/quote]

ههههههههههه
هذا من تهور الشيبان
ومايسوي
تحياتي

عبدالرحمن بن زهير

23-01-2008 02:36 PM

رد: العود راح وطي

الراس شـاب وقلبـي اليـوم ماشـاب
كنـي شبـابٍ مـا تعـدى الثلاثـيـن

الله يعطيك طولت العمر وصح لسانك على هذه الابيات الفكاهية نوعا ما

الخنساء

23-01-2008 03:00 PM

رد: العود راح وطي

الراس شاب وقلبـي اليـوم ماشـاب
كنـي شبـابٍ مـا تعـدى الثلاثـيـن
لا من نصحتـه مفتهـم لـي ولا تـاب
مفتون في شوف العـذارى المزاييـن
يفـز كالحاقـول لاشـاف لــه داب
ودّه يطيـر ولا نبـت لـه جناحـيـن
مدري متى يركد قبـل يـوم ينصـاب
ويغـرق ببحـرٍ خــادعٍ للمحبـيـن
وتْجيه غـارات النواعـس والاهـداب
صح لسانك مشرفنا
لاهان راسك قصيدة
والله يشفي من يصاب
بهذا الداء
سلمت وسلم شعرك
دمت بخير

شوقي العامري

23-01-2008 03:13 PM

رد على: العود راح وطي

صح لسانك يالمهاجر

ودام ابداعك

محمد بن عبدالله السلمان

23-01-2008 03:30 PM

رد: العود راح وطي

بدات يا أبو عبدالله
الراس شـاب وقلبـي اليـوم ماشـاب
كنـي شبـابٍ مـا تعـدى الثلاثـيـن
قلت أكيد ناووي على الزواج
وانهيتها بقولك
تحلـق شنبهـا والفناخـر كالابـواب
خدامـة جتنـا مـن اقصـى الفلبيـن
هههههههههههه
صراحه ما عرفت قصدك إلا لما كملت القصيده
الله يعطيك العافية وعسى قلبك سالم

أم ريما

23-01-2008 04:03 PM

رد: العود راح وطي

[COLOR="DarkRed"]فمن لايحب الزين من عكف الاشنـاب
ماهوب حي ولو يعمّـر مـدى سنيـن

صح لسانك

قصيده رائعه وجميله جدا[/COLOR]
الله يعطيك العافيه ويدوم هالأبداع ;)

نجم الإبداع

23-01-2008 04:09 PM

رد: العود راح وطي

صح لسانك يابو عبدالله

ابدعت في نسج رائعتك

فلله درك ياحكيم

لاهنت

فائق الاحترام

الصريح العتيبي

23-01-2008 07:00 PM

رد على: العود راح وطي

عطشان ما به حيل من كثـر الاتعـاب
من يكسب اجره مالقى عضـد ومْعيـن

تحلـق شنبهـا والفناخـر كالابـواب
خدامـة جتنـا مـن اقصـى الفلبيـن

طائرنا المهاجر سلمه الله
غردت بنا بعيداً

من يفهم من يعي ماخطه يراعك

دمت مبدعاً . تقديري واحترامي

عائشه

23-01-2008 07:55 PM

رد: العود راح وطي

يسلموووووو

قصيدة رائعـــه فعلا و أصيلــــه

الله يعطيك الف عافية

في انتظار جديدك

تقبل ارق تحية

الطائر المهاجر

24-01-2008 08:20 AM