هيبة ملك اخذتها من جداره
 

اهداء للوجيه / عبدالله بن محمد بن غراب المري

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابو محمد شفت من خلف بيبان = بيبان مجلسكم عليها ستاره
ارب مابه شر ياطير حوران = من رحلتك للبر جابك غياره
مريت مجلسكم شفوق اولهان = وعلى مشاهدكم اسوق البشاره
لديت شبحي يوم مريت من شان = علَي اشوفك حيث جيك تجاره
وجريت من اقصى ضميري تونوان=واقول عبدالله الا وين داره
وسمعني المجلس وجاوب باللحان = عبدالله هالايام يبغي الزباره
له مجلس تلقاه بطراف ذيدان = والا ضواه الليل يشعم بناره
ومجالسةخطلان الايدي بريضان = ويقوم لين الصبح يظهرحماره
مايسمع اخبار الجزيره وعماَن = يسمع خلاج اخت الفحل والحواره
متى على الله ينفتح كل غلقان = ويعود من يجمع كبار وصغاره
اقولها واللي خلق جن وانسان = هيبة ملك اخذتها من جداره
كبير قوم وعادتك تقضي الشان = لاخاب من ماله وجاهه خساره
لك مجلس مايدهله كون ديقان = كل ابلجٍ لاجاه زاده وقاره
لاصرت وسطه كنك بالوصف سلطان = اذا جلس للشعب وسط الأماره
مشرع البيبان صبحٍ ومسيان = ودلال بنٍ دايمً باستداره
فنجالها يبري خوى راس عمسان = مخلوط هيل وزعفران وبهاره
وحيل تقلط للنشاما وحيران = والعود الازرق فوق حمر الجماره
جعله افداك اللي مجالسه حقران = في عينه ايشوف النشاما شراره
وجعله فداك اللي على الشين عوّان = هو مادرى انه في عماره دماره
ولا اهثم الطيب ولا اقول يافلان = الناس كلن دون حقه وداره[/poem]

شكرا لإمتاعنا بإبداعك
لاهنت
تحياتي

رد: هيبة ملك اخذتها من جداره
 

ونعم يا منصور ونعم يا ابومحمد ابيات مثل سبك الذهب والموقف يستاهل وصح الله لسانك

رد: هيبة ملك اخذتها من جداره
 

الروضان
صح بدنك
وشكرا لمرورك
لاهنت

رد: هيبة ملك اخذتها من جداره
 

ع بن زهير
صح بدنك
وما عليك زود يالغالي
شكرا لمرورك ووتعليقك
لاهنت اخي

رد: هيبة ملك اخذتها من جداره
 

الله عليك يالطامي
دائماً ماتطربني أحرفك ايها الجزل
صح قلبك يابعدي ولا هنت
ولا عدمنا جديدك
تقبـّـل تحيتي ولا تبخل علينا بجديدك

رد: هيبة ملك اخذتها من جداره
 

الطامي


قصيده حازت قصب السبق و المركز الاول وفي الصداره

دائما يالغالي

تقبل ودي تقديري

رد: هيبة ملك اخذتها من جداره
 

ابيات اكثر من رائعة وراعي الطيب يستاهل
تحياتي لكم

رد: هيبة ملك اخذتها من جداره
 

[align=center][size=5][grade="ff4500 4b0082 0000ff 000000 f4a460"]
جزل ومبدع
صح لسانك
ولاهان راسك
تحيتي واحترامي
[/grade][/size][/align]

رد: هيبة ملك اخذتها من جداره
 

[font=arial black][size=5][color=navy]صح لسااااااااانك يا بو محمد على القصيدة الطيبة [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] أرويت ذائقتنا بالحيل[/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] و يستاهل المدح راعيه ،،[/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] لله درررك يالمري[/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] و صح لسااانك و لاهنت[/color][/size][/font]